Qindra qytetarë serbë janë mbledhur sot në Sheshin “Nikola Pashiç” në Beograd, nën organizimin e partisë opozitare Partia Demokratike Serbe (DSS), për të protestuar, siç thonë ata, kundër “tradhtisë së madhe me Kosovën”.
Siç raporton “Beta”, kryetari i DSS, Millosh Jovanoviç, duke iu drejtuar të pranishmëve në protestë, ka thënë se “Kosova është Serbi dhe se për këto tri fjalë nuk ka dilemë”.
“Këto fjalë janë fillimi dhe fundi i diskutimeve lidhur me atë se e kujt është Kosova. Të gjithë e dimë ku janë manastiret tanë, ku është Patrikana e Pejës, sepse e tërë ‘Kosova e Metohija’ është e mbushur me shenjtëri serbe. Të gjithë e dimë sa gjak është derdhur nga Car Llazari, deri te djemtë që e kanë mbrojtur Kosovën nga agresioni i NATO-s në vitin 1999”, tha Jovanoviç.
Ai gjithashtu shtoi se vetëm një njeriu i ka shkuar ndërmend që ta dorëzojë Kosovën, e ai është presidenti i Serbisë, Aleksandër Vuçiç.
“Nuk kemi të drejtë që popullin serb në Kosovë t’ia lëmë Kosovës shqiptare ose ruana zot, ‘Shqipërisë së Madhe’. ‘Kosova e Metohija’ është pasuria jonë shpirtërore”, tha Jovanoviç, duke e porositur Vuçiçin se “Serbia shumë më shpesh ka lindur Obiliç, sesa Brankoviç, serb të ndershëm e jo tradhtar”.
Më pas pjesëmarrësit e tubimit i janë drejtuar Presidencës së Serbisë duke bartur flamuj të Serbisë dhe të DSS, dhe pankarta në të cilat shkruanin “Kosova është Serbi”, “ 1 nga 5 milionë për Kosovën=Serbi, e shenjtë dhe e jona”, “Kushtetuta është lekturë obligative, lexojeni”….
Ndërkohë nga altoparlantët dëgjoheshin këngë të sindikatës së Beogradit. Tubimin me moton “Ta ndalojmë tradhtinë e madhe – Kosova është Serbi” e kanë organizuar DSS dhe iniciuesit e apelit për mbrojtjen e “Kosovës dhe Metohisë”.
Siç raporton “Beta”, kryetari i DSS, Millosh Jovanoviç, duke iu drejtuar të pranishmëve në protestë, ka thënë se “Kosova është Serbi dhe se për këto tri fjalë nuk ka dilemë”.
“Këto fjalë janë fillimi dhe fundi i diskutimeve lidhur me atë se e kujt është Kosova. Të gjithë e dimë ku janë manastiret tanë, ku është Patrikana e Pejës, sepse e tërë ‘Kosova e Metohija’ është e mbushur me shenjtëri serbe. Të gjithë e dimë sa gjak është derdhur nga Car Llazari, deri te djemtë që e kanë mbrojtur Kosovën nga agresioni i NATO-s në vitin 1999”, tha Jovanoviç.
Ai gjithashtu shtoi se vetëm një njeriu i ka shkuar ndërmend që ta dorëzojë Kosovën, e ai është presidenti i Serbisë, Aleksandër Vuçiç.
“Nuk kemi të drejtë që popullin serb në Kosovë t’ia lëmë Kosovës shqiptare ose ruana zot, ‘Shqipërisë së Madhe’. ‘Kosova e Metohija’ është pasuria jonë shpirtërore”, tha Jovanoviç, duke e porositur Vuçiçin se “Serbia shumë më shpesh ka lindur Obiliç, sesa Brankoviç, serb të ndershëm e jo tradhtar”.
Më pas pjesëmarrësit e tubimit i janë drejtuar Presidencës së Serbisë duke bartur flamuj të Serbisë dhe të DSS, dhe pankarta në të cilat shkruanin “Kosova është Serbi”, “ 1 nga 5 milionë për Kosovën=Serbi, e shenjtë dhe e jona”, “Kushtetuta është lekturë obligative, lexojeni”….
Ndërkohë nga altoparlantët dëgjoheshin këngë të sindikatës së Beogradit. Tubimin me moton “Ta ndalojmë tradhtinë e madhe – Kosova është Serbi” e kanë organizuar DSS dhe iniciuesit e apelit për mbrojtjen e “Kosovës dhe Metohisë”.
