Beogradi proteston kundër vizitës së Sejdiut në OKB

Shefi i diplomacisë serbe, Vuk Jeremiq ka bërë të ditur se Beogradi ka parashtruar një notë proteste në OKB, për shkak të vizitës së presidentit të Kosovës Fatmir Sejdiu në këtë organizatë botërore.


"Kemi dorëzuar një notë të ashpër proteste në Sekretariatin e OKB-së dhe kemi kërkuar hetimin urgjent se si ka ardhur deri të kjo (vizitë e Sejdiut)", ka thënë Jeremiq.

Sipas Jeremiqit, presidenti Sejdiu dhe anëtarët e delegacionit të Kosovës janë qytetarë privatë, dhe nuk mund t'u lejohet të jenë pjesëmarrës në sesionin e Asamblesë së Përgjithshme të OKB-së. /Telegrafi/