Love
βeℓℓe â๓e
- Ekstraktet e bambusë janë shumë të pasura me silic, një mineral i nevojshëm që mund të parandalojë dhimbjet e kockave, osteoporozën dhe rrudhat
Mes shumë shenjave të një trupi që po plaket më shpejt sesa koha normale, është shfaqja e dhimbjeve të vazhdueshme të kockave dhe e atyre muskulore me origjinë inflamatore, që shpesh shoqërohen me një lëshim të vazhdueshëm të indit lidhor.
Elasticiteti i aparatit osteoartikular është një nga treguesit kryesorë të shëndetit të të gjithë organizmit: nëse kockat, muskujt dhe kërcet janë të shëndetshme dhe të mirushqyera kolagjeni arrin ta kryejë më mirë funksionin e tij të mbështetjes dhe lëkura mbetet e tendosur, kompakte e pa rrudha.
Për të shmangur ose zvogëluar flashkësinë dhe lëshimin e lëkurës, duhet të bëni kujdes edhe me “skeletin”.
Kockat kanë nevojë për silic: është një nga mineralet më të nevojshëm për ne
Brenda trupit tonë, silici është një mineral shumë i rëndësishëm, që gjendet kryesisht te kockat, indi lidhor dhe kolagjeni (si dhe në strukturën e flokëve). Kur ky mineral mungon, shfaqen jo vetëm dhimbjet e kockave e kërceve, por edhe fenomene të dhimbshme, si dhe një tendencë e lëkurës për dehidratim, që është paradhoma e rrudhave dhe celulitit.
Një kurë e fortë për të gjitha indet: silici ushqen palcën e kurrizit dhe kërcet; rigjeneron lëkurën
Për një veprim mineralizues dhe kundër moshës duhet të përdoren kura me bazë bambuje: ky shkop i hollë përmban në brendësi sasi të mëdha silici, kaliumi dhe betaine, përbërës aktivë që ndihmojnë për t’i bërë indet më elastikë. Por jo vetëm kaq: me ardhjen e verës dhe ekspozimit në diell, fenomen që favorizon plakjen e lëkurës, është mirë që të përdorni kura parandaluese me bazë bambuje. Ky mineral mund të merret në formën e shtojcës, si produkt kozmetik dhe si ushqim nëpër sallata të ndryshme, por kryesisht ato pranverore.
Si përdoret bambuja
Të gjitha produktet me bazë bambuje janë burim mineralesh dhe enzimash antioksiduese që rinojnë indet “strukturore” të organizmit (kockat, indin lidhor dhe kolagjenin). Lexoni më poshtë mënyrën e përdorimit të bambusë për trajtimin e lëkurës.
Bambuja si shtojcë
Nga palca e drurit të bambusë “Tabashir”, një lloj i veçantë bambuje i përdorur në mjekësinë popullore, merret një ekstrakt, 70% e të cilit është silic. I kthyer në pluhur, ekstrakti i bambusë merret në kapsula për një muaj rresht. Kjo gjë mund të përsëritet edhe 3-4 herë në vit. Doza është 1-2 kapsula në mëngjes, para buke, që mund të pihen me ujë. Kujdes: Kjo shtojcë nuk duhet marrë gjatë shtatzënisë, kur ushqeni fëmijën me gji dhe në rastin e patologjive të veshkave.
Bambuja në tavolinë
Fidanët e bambusë (“takenoko”-të e kuzhinës japoneze) u ngjajnë shpargëve dhe mund të shtohen në sallatë. Zakonisht gjenden në dyqanet ushqimore, por do të ishte mirë sikur t’i mbillnit në shtëpi dhe t’i mblidhnit të njomë; për t’i përgatitur u duhet hequr kutikula e jashtme, pastaj zihen për 30 minuta, duke i shtuar ujit një grusht krunde që të zbuten dhe një majë luge piper. Në këtë mënyrë janë gati për t’u shërbyer në tryezë.
Në banjën e shtëpisë: zbut dhe i jep shkëlqim lëkurës
Sot, në treg gjenden produkte të ndryshme kozmetike natyrore me bazë ekstrakte bambuje (vajra dhe xhel dushi, lëngje dhe kremra pas dushit). Një alternativë është që të shtoni në vaskë dy grushte krunde orizi (që kanë veti zbutëse), gjysmë kilogram kripë deti integrale dhe 2 kapsula pluhur bambuje. Qëndroni në vaskë për 20 minuta, është mirë që këtë ritual ta kryeni në mbrëmje dhe ta përsërisni trajtimin të paktën dy herë në javë.
Burimi: g.shqip