Një studim i ri tregon se një dozë e përditshme aspirine mund të parandalojë kancerin e zorrës së trashë te njerëzit që kanë gjasa të preken gjenetikisht nga kjo sëmundje.
Shkencëtarët nga Universiteti i Newcastle kanë përcjellë më shumë se 1.000 persona me sindromën Linç, sindromë e cila krijohet nga një ndryshim gjenetik që i bën njerëzit të pambrojtur ndaj një numër kanceresh, veçanërisht nga kanceri i zorrës së trashë.
Shkencëtarët u dhanë disa pacientëve aspirina dhe të tjerëve placebo (barna të rrejshme). Rezultatet treguan se në grupin e trajtuar me aspirinë, vetëm 6 persona u prekën nga kanceri në zorrën e trashë, në krahasim me 16 persona që u prekën nga ky kancer në grupin e trajtuar me placebo.
Autorët e studimit pohojnë se, edhe pse participantët në këtë eksperiment ndërprenë marrjen e aspirinës, efekti i barit vazhdoi të ishte mbrojtës ndaj kancerit.
*VoA*
