Arrestohet ish-pjesëtari i UاK-së

Arrestohet ish-pjesëtari i UاK-së, i akuzuar për maltretimin e punëtorëve maqedonas në 2001

Në Gostivar është arrestuar njëri nga të akuzuarit për rastin e maltretimit të punëtorëve maqedonas gjatë konfliktit të vitit 2001, një vepër e kthyer nga Tribunali i Hagës që ngarkon ish-pjesëtarët e UاK-së.


Siç njofton agjencia e lajmeve INA, bëhet fjalë për Kadri Sulejmanin, 36 vjeç nga Kamjani i Tetovës, i cili është një nga anëtarët e grupit të akuzuar prej 20 vetave, ku bën pjesë edhe deputeti i BDI-së, Hisen Xhemaili. Ato ngarkohen si ish-pjesëtarë të UاK-së për ushtrimin e dhunës dhe maltretimit të disa punëtorëve maqedonas të ndërmarrjes “Mavrova” gjatë konfliktit të vitit 2001 në dalje të Tetovës. I arrestuari është dorëzuar pranë burgut të Shutkës, ku do të vuaj paraburgimin.

MPB ka njoftuar për arrestimin, mirëpo duke pohuar se informacione plotësuese duhet të kërkohen pranë Gjykatës Penale. Familjarët e Sulejmanit kanë theksuar se ai ishte arrestuar derisa po lëvizte me makinën e tij në Gostivar dhe atë ditë kishte planifikuar festimin e ditëlindjes.

Të afërm të tij për INA deklaruan se janë të habitur se përse në këtë periudhë është bërë arrestimi i tij, kur siç thuhet sipas tyre, ai tërë kohën ka lëvizur i lirë. Për rastin e maltretimit të punëtorëve maqedonas, pritet që të ekstradohet nga Gjermania edhe i akuzuari tjetër Shkodran Idrizi, i cili në dhjetor të vitit të kaluar u arrestua nga policia gjermane, pasi që ndaj tij ishte shpallur fletëarrest ndërkombëtarë. (INA)

Titulli: Arrestohet ish-pjesëtari i UاK-së

SHVL e UاK-së “Kalaja”: Mos i arrestoni ish-ushtarët

Shoqata e Veteranëve të Luftës së UاK-së “Kalaja” ka reaguar ashpër kundër veprimeve të fundit të pushtetit aktual, pas arrestimit të ish-ushtarit të UاK-së, Kadri Sulejmani nga fshati Kamjan i rrethinës së Tetovës. Nënkryetari i kësaj shoqate, Ramiz Alija ka nënvizuar se organizata e tyre tejmase është e shqetësuar lidhur me këto arrestime dhe arrestimet e tjera që mund të vijojnë.

“Ne reagojmë ashpër kundër këtyre akteve fashizoide të pushtetmbajtësve, të cilët nuk respektojnë ligjet që i kanë votuar dhe nuk i kanë respektuar asnjëherë. Shprehim shqetësimet tona për rastin e arrestimit të fundit. Kërkojmë që sa më shpejt të ndërpriten këto arrestime dhe të ndërpriten këto raste që u hodhën poshtë nga Tribunali i Hagës”, ka theksuar Alija, i cili këto reagime i ka shfaqur edhe nëpërmjet në apeli publik në emër të shoqatës. SHVL e UاK-së “Kalaja” ka kërkuar zbardhjen e rastit të vdekjes së Hanif Dervishit nga Brodeci në burgun e Manastirit.

“Vdekje makabre nëpër qelitë e burgjeve sllave për shqiptarët nuk është risi dhe habi. Skena të këtilla jemi mësuar t’i përjetojmë që nga shekulli i kaluar, si në kohën e krajlave serb, partizanëve, Rankoviçit, Titos, Millosheviçit, Gligorovit, po tani edhe të Ivanovit e Gruevskit. Shprehim indinjatë të thellë ndaj të gjithë atyre që nëpër kohërat e vështira për popullin shqiptar, u gjinden në përkrahje të sunduesit e në dëm të popullit shqiptarë dhe arsyetojshin gjenocidin sllavë, po ashtu edhe në shekullin e XXI gjendet një parti politike shqiptare që me gjakun e këtyre burrave erdhi në pushtet dhe tani po i vret njerëzit e vet”, ka reaguar “Kalaja”. (INA)