Love
βeℓℓe â๓e
Në pranga katër persona akuzohen për pedofili
Korçë/Ditën e djeshme në qytetin e Korçës janë arrestuar katër persona për pedofili, me dy vajza minorene me të cilat kanë kryer seks e i kanë detyruar të prostituonin. Pikërisht kushëriri i tyre sipas të dhënave nga policia e qytetit i ka përdorur për qëllime prostitucioni dy të mirat gjatë vitit 2004-2006 duke i dhënë me forcë tek pensionistët e qytetit e tek persona në moshë të madhe për të kryer marrëdhënie seksuale kundrejt parave. Pas disa muajsh hetimesh më në fund policia e Korçës ka vënë në pranga kushëririn e dy të miturave dhe tre persona të tjerë të cilët do të akuzohen për pedofili. Sipas njoftimit të policisë është zbardhur ditën e djeshme i gjithë skandali nëpërmjet operacionit “Junior”. Sipas policisë të arrestuarit të arrestuarit janë me precedentë pedofilie, përdhunimi dhe pensionistë. Policia e Korçës ka dhënë menjëherë detajet e operacionit të koduar “Junior” për shkak të moshës së vajzave. Por aktiviteti sipas rrëfimit të dy të miturave, është kryer gjatë periudhës 2004-2006 dhe pas 5 vitesh të dyshuarit ushtronin sërish presion që t’i shfrytëzonin. Të rritura dhe të përgjegjshme, vajzat 14 dhe 16 vjeçe kanë kërkuar ndihmën e policisë, pasi gjatë kohës së shfrytëzimit ishin të frikësuara për të treguar.
Deklarata e policisë
Dje rreth orës 13:00 pas një pune të mirë organizuar disa mujore, nga Sektori Kundër Narkotikëve dhe Trafiqeve në Drejtorinë e Policisë Korçë, u finalizua me sukses operacioni i koduar “JUNIOR” ku u bë e mundur arrestimi i Pëllumb Mullaj, 52 vjeç, banues në qytetin e Korçës, i cili gjatë viteve 2004-2005-2006 ka shfrytëzuar për qëllime prostitucioni 2 vajza të mitura të moshës rreth 8 dhe 10 vjeç, me inicialet I. P., dhe M. P. Ky shtetas ka konsumuar në këtë mënyrë veprën penale të “shfrytëzimit të prostitucionit në rrethana rënduese”. Gjithashtu është vendosur masa e sigurisë “arrest në burg” për veprën penale të “marrëdhënieve seksuale ose homoseksuale më te mitur” për Andrea Nameti, 62-vjeç, banues në fshatin Mborje, i dënuar më parë për veprën penale “marrëdhënie seksuale me të mitur”, Skënder Korollari, 35-vjeç, banues në fshatin Mborje. Dhe për të njëjtën vepër penale është vendosur masa e sigurisë “arrest në shtëpi” për shtetasin Nevrus Kollani, 79 vjeç, banues në qytetin e Korçës. Shtetasit e sipërpërmendur kanë kryer marrëdhënie seksuale në mënyrë sistematike përgjatë viteve 2004, 2005 dhe 2006 me dy vajzat e mitura kundrejt pagesave që ata ia jepnin shtetasit Pëllumb Mullaji. Nga të dhënat bëhet e ditur se ky person ka qenë i afërm me dy vajzat e mitura.
Zbardhja e ngjarjes
Hetimet për zbardhjen e këtij krimi kanë nisur rreth 3 muaj më parë, ku në bashkëpunim me Prokurorinë e Rrethit Gjyqësor Korçë, nëpërmjet aplikimit të metodave speciale të hetimit dhe veprimeve të tjera procedurale, kanë bërë të mundur dokumentimin ligjor të aktivitetit kriminal të këtyre shtetasve. Materialet e përpiluara për këtë rast i kaluan Prokurorisë së Rrethit Gjyqësor. Makthi i prostituimit të vajzave të mitura duket të ketë marrë fund ditën e djeshme kur nga operacioni i policisë i titulluar “Junior” është bëri e mundur kapja e katër shfrytëzuesve. Të katër të arrestuarit akuzohen për shfrytëzim prostitucioni me të mitur dhe po procedohen penalisht nga prokuroria e Korçës./TO/