Tuana
Nada é por acaso!
-
- Anëtarësuar më
- Mar 15, 2012
-
- Mesazhe
- 3,970
-
- Reagimet e mara
- 654
Arkeologët izraelitë kanë zbuluar dy figura për të cilat besojnë se janë 9 mijë vjet të vjetra. Ato paraqesin kafshë dhe për arkeologët zbulojnë një rit, raporton AP-ja. Ato janë zbuluar në veri të Jerusalemit dhe janë të punuara nga gëlqerja dhe dolomitet, e shkencëtarët besojnë se në kohën e gurit gjuetarët i kanë përdorur si hajmali.Njëra nga figurat e zbuluara është e punuar nga gëlqerja dhe paraqet dashin, përderisa figura nga dolomitet paraqet kaun. Të dyja janë 15-centimetërshe.
“ثshtë e njohur, që në këtë periudhë, aktiviteti kryesor i njerëzve ka qenë gjuetia. Besojmë se këto figura kanë shërbyer si hajmali që besohej se i sillnin fat dhe sukses në gjueti dhe është e mundshme që kanë qenë në fokus të ritualeve që gjuetarët i kanë bërë para se janë nisur në kërkim të gjahut”, ka thënë udhëheqësi i gërmimeve arkeologjike Hamud Kalaili. Figurat datojnë nga periudha që quhet neolit paraqeramik.
“Ajo periudhë është një nga kapitujt më mbresëlënëse të historisë së njerëzimit; shumë ndryshime që kanë ndodhur atëherë kanë pasur ndikim në formësimin e shoqërisë njerëzore mijëra vjet më vonë. Gjatë kësaj periudhe, ka lindur jeta nomade e bazuar në gjueti dhe jeta në koloni e bazuar në punimin e tokës dhe mbarështimin e kafshëve”, ka thënë Kalaili/koha/
