Anomalitë gjenetike të të porsalindurve lidhen me...
pirjen e duhanit të grave gjatë shtatzënisë, në bazë të hulumtimeve të shkencëtarëve të University College në Londër. ثshtë më se e njohur se pirja e duhanit është e dëmshme për fëmijën në zhvillim, por që kjo të kishte lidhje dhe me shfaqjen e anomalive të lindjes,u zbulua tani.
Mjekët këshillojnë nënat e ardhshme të ndalojnë pirjen e duhanit, sepse kjo gjë provokon anomali dhe aftësi të kufizuara tek bebet. Anomalia e bebeve pa gjymtyrë, me gjymtyrë të deformuara ose me gastroschisis(çrregullime të zorrëve) lidhet direkt me pirjen e duhanit gjatë shtatzënisë.
Gratë shtatzëna që pijnë duhan rrisin rrezikun e lindjes së fëmijës së tyre me dysplasia të lartë deri në 50%. Edhe pse është i njohur rreziku i abortit, lindja e parakohshme ose dhe lindja me peshë të vogël e fëmijës për shkak të pirjes së duhanit, 45% e grave nën 20 vjeç vazhdojnë të pijnë duhan gjatë shtatzënisë, ndërsa vetëm një në shtatë ndalon pirjen e duhanit pas lindjes.
Shkencëtarët u bazuan në një përmbledhje prej 172 hulumtimesh të 51 viteve të fundit dhe që vërtetohen në 174.000 raste anomalish të lindjeve. Sipas studimit për gratë që pinë duhan në periudhën që janë shtatzëna, rreziku u rrit në 26% për lindjen e një fëmije pa gjymtyrë ose me gjymtyrë të deformuara, 27% me çrregullime gastrointestinale, 33% me defekte të kafkës, 25% me defekteve tek sytë dhe 28% me buzët ndarë me dysh.
B:AlbNow