TIRANE- Një 27-vjecar në Tiranë ka kryer ditën e premte një vjedhje të pa hasur më parë sic raportojnë forcat e policisë. Ai ka gëlltitur një unazë në argjenderi, me shpresën se nuk do ta zbulonte askush. Lajmi bëheti i ditur nga Gazeta Shqiptare.
“Dua të blej një unazë floriri dhuratë”. Këto kanë qenë fjalët që 27-vjecari Erjon Cërriku i ka thënë argjendores pranë kafe “Flora” në kryeqytet. Ai ka shkuar në argjendari sëbashku me bashkëjetuesen, ndërsa në xhep nuk kishte asnjë kacidhe.
Argjendarja i ka treguar unazën më të shtrenjtë që kishte në dyqan, sipas kërkesës së klientit, ndërsa pas disa minutash, pasi ai i ka provuar në gisht gruas, unaza është zhdukur. 27-vjecari e kishte gëlltitur atë.
Argjendarja ka dyshur tek cifti, pasi ishin të vetmit që ndodheshin në dyqan.
Kanë qenë kamerat e sigurisë ato që kanë tradhtuar të riun. Forcat e komisariatit nr. 3 kanë kthyer pamjet filmike, ku tregohej se ai e kishte gëlltitur unazën e shtrenjtë me gur floriri.
Ndaj tij është ngritur tashmë akuza e vjedhjes në bashkëpunim.
(ma.ar/BalkanWeb)