Duket se gjithë industria e modës i është përkushtuar femrës. Aq më tepër kur bëhet fjalë për ditën e shënuar të jetës së tyre, martesës. Por këtë herë kemi vendosur t’u sjellim një manual dedikuar stilit të veshjes për një “dhëndër” , raporton noa.al. Cilët janë aksesorët që duhen përdorur ditën e martesës së tyre dhe cilat janë ato të cilat përdoren gabim.
1.Kostumi
Smoking është një veshje meshkujsh perfekte për darka të rëndësishme, por jo për ceremoninë e tyre të dasmës. Kjo veshje mund të përdoret vetëm për një ceremoni formale. Një kostum klasik dhe elegant do të ishte një zgjedhje e mirë. Por kujdes! Kostumi asnjëherë nuk duhet të jetë me dopio petë.
2. Ngjyra
E preferuara për ditën tuaj të dasmës do të ishte ngjyra gri dhe tonet e saj, por deri diku tolerohet edhe bluja. Këto janë ngjyrat që u shkojnë përgjithësisht meshkujve dhe i bëjnë më tërheqës atë ditë. Por nuk mund të mos lëmë pa përmendur edhe ngjyrën e bardhë. I tillë ishte edhe kostumi që sportisti David Beckham kishte zgjedhur ditën e tij të dasmës.
3. Copa e zgjedhur
Pëlhurat dhe materialet e mëndafshta janë copat ideale për veshjen e një dhëndëri. Bëni shumë kujdes kur përzgjidhni kostumin tuaj. Nuk është aspak e tolerueshme një xhaketë e trashë, edhe pse mund të jetë dimër. E njëjta gjë vlen edhe për teprimin me detaje dhe dekoracione. Një kostum dhëndërie duhet të ketë sa më pak të tilla.
4. Këmisha
Një dhëndër është bërë zakon ta shohim me këmishë të bardhë. Por kjo tashmë nuk është më tendencë. Luajtja me ngjyrat, sigurisht pa e tepruar, do t’u sillte me më shumë klasë dhe sharm në ditën e dasmës.
5. Pantallonat
Duhet të keni parasysh se atë ditë çdo gjë nuk duhet të tregojë një veshje të zakonshme. Pantallonat e dhëndrit, edhe pse në pamje të parë duket se nuk do të jenë aq të dukshme për shkak të xhaketës, patjetër duhet të jenë elegante. Loja me ngjyrat dhe nuancat duke i kombinuar me xhaketën është gjithmonë e suksesshme.
6. Kravata
Kravata duhet të jetë klasike, por në varësi të kostumit. Mundësisht në nuancat e grisë dhe të argjendit. Kujdes me përdorimin e kravatave të zyrave dhe takimeve. Atë ditë duhet me patjetër të jetë një preje elegante.
7. Këpucët dhe rripi
ثshtë e rëndësishme që këpucët dhe rripi të jenë të kombinuara. Ato duhet të jenë mat dhe jo me shkëlqim. Rripi duhet të jetë i thjesht për të shmangur rënien në sy, ndërsa këpucët jo me shumë majë.
8. Aksesorët
Nuk jemi mësuar ta shohim dhëndrin me aksesor. Por tashmë këto gjëra kanë ndryshuar. Një orë elegante apo edhe një shami me pak dantellë do të ishin aksesorët e përshtatshëm për atë ditë. Por kujdes, pavarësisht tipit që jini, shmangni pirsing në çdo pjesë të fytyrës. 9. Pak “make-up”
9. Make-up
Make-up sot nuk përdorin vetëm femrat. Aq më tepër nëse atë ditë jeni shumë të zbehtë, pak make-up do ju vinte në ndihmë. Por kujdes, mos e teproni. Pak pudër dhe jo shumë ngjyrë e zënë.
10. Flokët, qimet në fytyrë dhe… vetullat
Nuk kanë rëndësi se si, por duhet të duken të rregullt. Flokët janë një gjë e dukshme e dhëndrit atë ditë. E njëjta gjë vlen edhe për rruajtjen e fytyrës. Asnjëherë një dhëndër nuk mund të paraqitet me një mjekër të çrregullt. Sa për vetullat, të rregullojmë ndonjë defekte, por të jenë të kujdesshëm për të shmangur hollimin. Një vetull e hollë i takon nuses……..
burimi:ballkani,net
Qe gjithe ky sharm te marri nure dhe rendesi,,EJ,.Dhendrra te dashur, kujdesi qe nusia te vij ne Kishe,,apo bashki,,LOL..se ndryshe kote gjithe ky mundimi,,LOL
... kjo shoqja/sekretare e zyres po me ngacmon :zemer: help me
