Makina e një biznesmen është hedhur në erë me eksploziv, por fatmirësisht të dy personat që ndodheshin në automjet kanë shpëtuar. Ngjarja ka ndodhur sot rreth orës 17:00 në Tiranë, përkatësisht tek zona ku ndodhet Kopshti Zoologjik.
Mësohet se sasia e eksplozivit ishte vendosur në pjesën e pasme të automjetit tip ‘benz’ me targa AA 303DK, e cila drejtohej nga shtetasi Leonard Cezari. Policia bën me dije se shpërthimi i fuqishëm i makinës ka ndodhur në ecje e sipër dhe se drejtuesi i mjetit është plagosur.
Deri më tani në vendngjarje kanë mbërritur shumë forca të policisë dhe ambulanca, e cila po i jep ndihmën e shpejtë të plagosurve./Shekulli