Një ditë pasi 29 vjecarja vrau nënën e saj birësuese, tronditja vijon të jetë prezente në familjen Angjo në Pogradec. I trishtuar për humbjen e bashkëshortes Jovan Angjo rrëfen mëngjesin e kobshëm kur nga kërkesa për të pirë duhan, mardhënia e tyre me vajzën e birësuar përfundoi me përdorimin e arëmës nga kjo e fundit.
“Në orën 3 e 30 të natës është ngritur ka kërkuar cigare, i dhashë 2 cigare, pas rreth 1 ore ka ardhur prap, i dhashë paketën, i piu cigaret dhe filloi të përdori dhunë karshi gruas. Merr një shkop dhe e godet disa herë në trup, ndërhyra duke shmangur goditjet. Më pas vajti mori pistoletën, unë nuk e dija që kishte pistoletë. Më pas qëlloi gruan në zemër.” tregon Jovani.
I tronditur 67 vjecari pranon se ai dhe bashkëshortja e tij Shpresa ishin në dijeni që vajza konsumonte alkool , madje sipas tij situatat degjeneronin deri në sherr, për të cilat ishte njoftuar dhe policia. Sipas 67 vjecarit, natën e krimit Anila nuk kishte dalë fare nga banesa dhe nuk kishte konsumuar alkool, duke e konsideruar krimin të paramenduar.
Jovani rrëfen gjithashtu se vajza nuk kishte asnjë arye për tu ndjerë keq, pasi ai vetë i kishte gjetur familjen biologjike.
Origjina e 29 vjecares Anila Angjo ishte nga Tropoja dhe ishte adoptuar në moshën 1 vjecare nga brefotrofi i Shkodrës.
Vetëm 24 orë pas krimit Gjykata e Pogradecit dha masën e arrestit burg pa afat ndërsa ajo vetë pranon se ka kryer vrasjen në kushtet e depresionit.
•balcanweb•
