VLORE- Një ngjarje e rëndë brenda familjes është shënuar mesditën e sotme rreth orës 14:00 kur Arben Abazi 25 vjec ka goditur me hekur të atin, 53 vjecarin Petrit Abazi.
Ngjarja ka ndodhur në lagjen “28 Nëntori” të qytetit të Vlorës. Arben Abazi pas një sherri në familje ka tërhequr zvarre në rrugë të atin e më pas ka nisur ta qëllojë me një limë hekuri në grykë, më tej në kokë, e pjesë të tjera të trupit.
Kanë qenë thirrjet për ndihmë të të lënduarit që kanë afruar komshinj të familjes Abazi, të cilët fillimisht kanë hezituar të afrohen, por pasi djali ka hedhur limën e përdorur ata janë afruar duke ia hequr nga duart të atin 53 vjecar.
Pas kësaj, 53 vjecari në gjendje të rëndë është dërguar me urgjencë në spitalin e Vlorës, ku sipas mjekëve ndodhet në gjendje të rëndë si shkak i goditjeve të marra.
Menjëherë pas ngjarjes, blutë e Vlorës kanë arrestuar 25 vjecarin. Sipas komshinjve të familjes Abazi, shkak i ngjarjes ka qenë dhuna fizike që i lënduari Petrit Abazi ushtronte mbi të shoqen cka e ka shtyrë djalin e tyre të madh Arbenin, të kryejë këtë dhunë bruate mbi të atin. 25 vjecari është student muzike në Tiranë dhe kishte ardhur për festat e fundvitit.
(e.n/News24/BalkanWeb)