Cyber_Spartacus
Homo Homini Lupus
Një 33-vjeçar nga fshati Cakran i Fierit është shpallur në kërkim prej policisë, pasi ka qëlluar me armë zjarri mbi kushëririn e tij. Ilia Hyseni ka shtënë disa herë me pistoletë në drejtim të një furgoni me dasmorë, duke plagosur 55-vjeçarin Gëzim Lulaj. Burimet policore tregojnë për "Shqip" se ngjarja ka ndodhur në vendin e quajtur Qafa e Shkozës, në rrugën Fier-Cakran. Ilia Hyseni ka qenë duke udhëtuar me automjetin e tij të tipit "Fiat uno", me targa të huaja, nga Cakrani në drejtim të Fierit, kur në Qafën e Shkozës, tre kilometra larg nga fshati, ka tentuar të parakalojë furgonin taksi që drejtohej nga 55-vjeçari Gëzim Lulaj. Infrastruktura rrugore tejet e rënduar nuk e ka lejuar drejtuesin e furgonit që të hapë rrugë dhe kjo është bërë shkak që dy kushërinjtë të ndalin automjetet dhe të debatojnë. Lulaj nuk ka zbritur nga automjeti, ndërkohë që Hyseni ka nxjerrë pistoletën që mbante pa leje dhe ka shtënë katër herë drejt kushëririt dhe furgonit të tij, ku udhëtonin disa dasmorë. Policia tha se Lulaj është plagosur, por është jashtë rrezikut për jetën.
Gazeta Shqip
Gazeta Shqip