Shfletimi si vizitorë është i kufizuar

Vendimi, fakultetet që do të ofrojnë masterat 2-vjeçarë

braziljania
Zirina Llambro

Hapen studimet dyvjeçare master, sipas sistemit të Bolonjës. Universiteti i Tiranës, Politekniku dhe Bujqësori do të ofrojnë ciklin e dytë të studimeve, për të gjithë ata që kanë përfunduar të parin 3-vjeçar. Pas udhëzimit të Ministrisë së Arsimit 4 muaj më parë për kushtet dhe kreditet e nevojshme për të përfituar këtë lloj diplome, saktësohen degët sipas fakulteteve. Qeveria miratoi dje hapjen e programeve të ciklit të dytë të studimeve për vitin akademik 2008-2009. Gjithashtu për një pjesë të degëve janë përcaktuar profilet përkatëse, mes të cilave studentët do të zgjedhin për të marrë diplomën e dytë. Në këtë mënyrë përmbushet cikli 3+2, sipas Kartës së Bolonjës. Nga sa bën me dije Ministria e Arsimit, për t’u pranuar në një program studimi të ciklit të dytë, kandidati duhet të zotërojë diplomë të nivelit të parë, ose diplomë tjetër studimi të fituar jashtë vendit, të vlerësuar ekuivalente me të. Këto studime do të zgjasin dy vjet dhe për të marrë diplomën është e domosdoshme që të merren 120 kredite. Për fitimin e diplomave është parashikuar përgatitja e një teze, të përpunuar në mënyrë të pavarur dhe krijuese nga studenti. Universiteti i Tiranës do të ofrojë masterat në fakultetin e Shkencave të Natyrës, Gjuhëve të Huaja, Histori Filologji dhe në fakultetin e Shkencave Sociale. Programi i studimit “Gazetari”, do të ofrojë shumëllojshmërinë më të madhe të diplomave. Sipas vendimit të qeverisë, studentët që kanë përfunduar 3-vjeçarin në këtë degë do të kenë mundësi të marrin diplomë në një nga 5 profilet që janë: Marrëdhënie Publike; Gazetari Evropiane dhe Ndërkombëtare; Komunikimi Ndërkulturor; Marketing Mediatik; Drejtimi dhe Menaxhimi i Mediave. Sa i përket Universitetit Politeknik, ai do të ofrojë ciklin e dytë të studimeve në fakultetin e Inxhinierisë Elektrike dhe atë të Inxhinierisë Mekanike. Në Universitetin Bujqësor studentët do të kenë mundësi të ndjekin masterat në fakultetin e Bujqësisë, Mjedisit dhe në fakultetin e Bioteknologjisë dhe Ushqimit.
 
Masterat sipas fakulteteve

UNIVERSITETI I TIRANثS
a Në Fakultetin e Shkencave të Natyrës:
i) Programi i studimit “Biologji mjedisore”, në përfundim të të cilit lëshohet, diplomë e nivelit të dytë, DND, në biologji mjedisore;
ii) Programi i studimit “Biologji molekulare”, në përfundim të të cilit lëshohet, diplomë e nivelit të dytë, DND, në biologji molekulare;
iii) Programi i studimit “Fizikë”, në përfundim të të cilit lëshohet, diplomë e nivelit të dytë, DND, në fizikë;
iv) Programi i studimit “Bioteknologji molekulare dhe industriale”, në përfundim të të cilit lëshohet, diplomë e nivelit të dytë, DND, në bioteknologji molekulare dhe industriale;
v) Programi i studimit “Kimia industriale dhe mjedisore”, në përfundim të të cilit lëshohet, diplomë e nivelit të dytë, DND, në kimi industriale dhe mjedisore;
vi) Programi i studimit “Inxhinieria e proceseve kimike”, në përfundim të të cilit lëshohet, diplomë e nivelit të dytë, DND, në inxhinierinë e proceseve kimike.
b) Në Fakultetin e Gjuhëve të Huaja:
i) Programi i studimit “Gjuhë dhe komunikim ndërkulturor e turistik”, në përfundim të të cilit lëshohet, diplomë e nivelit të dytë, DND, në gjuhë dhe komunikim ndërkulturor e turistik;
ii) Programi i studimit “Përkthim teknik-letrar dhe interpretim”, në përfundim të të cilit lëshohet, diplomë e nivelit të dytë, DND, në përkthim teknik-letrar dhe interpretim;
iii) Programin e studimit “Gjuhësi”, me profile:
- Gjuhësi e sotme
- Gjuhësi historike.

Në përfundim të këtij programi, do të lëshohen diplomat e mëposhtme:
• Diplomë e nivelit të dytë, DND, në gjuhësi, me profil gjuhësi e sotme;
• Diplomë e nivelit të dytë, DND, në gjuhësi, me profil, gjuhësi historike.
c) Në Fakultetin Histori Filologji:
i) Programi i studimit “Histori”, në përfundim të të cilit lëshohet, diplomë e nivelit të dytë, DND, në histori;
ii) Programi i studimit “Arkeologji”, në përfundim të të cilit lëshohet, diplomë e nivelit të dytë, DND, në arkeologji;
iii) Programi i studimit “Trashëgimi kulturore”, në përfundim të të cilit lëshohet, diplomë e nivelit të dytë, DND, në trashëgimi kulturore;
iv) Programi i studimit “Marrëdhënie ndërkombëtare”, në përfundim të të cilit lëshohet, diplomë e nivelit të dytë, DND, në marrëdhënie ndërkombëtare;
v) Programi i studimit “Gazetari”, me profile:
- Marrëdhënie publike;
- Gazetari evropiane dhe ndërkombëtare;
- Komunikimi ndërkulturor;
- Marketing mediatik;
- Drejtimi dhe menaxhimi i mediave.
Në përfundim të këtij programi, do të lëshohen diplomat e mëposhtme:
• Diplomë e nivelit të dytë, DND, në gazetari, me profil marrëdhënie publike;
• Diplomë e nivelit të dytë, DND, në gazetari, me profil gazetari evropiane dhe ndërkombëtare;
• Diplomë e nivelit të dytë, DND, në gazetari, me profil komunikimi ndërkulturor;
• Diplomë e nivelit të dytë, DND, në gazetari, me profil marketing mediatik;
• Diplomë e nivelit të dytë, DND, në gazetari, me profil drejtimi dhe menaxhimi i mediave.
ç) Në Fakultetin e Shkencave Sociale:
i) Programi i studimit “Përkatësi gjinore dhe zhvillim”, në përfundim të të cilit lëshohet, diplomë e nivelit të dytë, DND, në përkatësi gjinore dhe zhvillim.

UNIVERSITETI POLITEKNIK
a) Në Fakutletin e Inxhinierisë Elektrike:
i) Programi i studimit “Inxhinieri elektrike”, me profile:
- Automatizimi i industrisë;
- Energjetikë.
Në përfundim të këtij programi do të lëshohen diplomat e mëposhtme:
• Diplomë e nivelit të dytë, DND, në inxhinieri elektrike, profili automatizimi i industrisë;
• Diplomë e nivelit të dytë, DND, në inxhinieri elektrike, profili energjetik.
b) Në Fakultetin e Inxhineirisë Mekanike:
i) Programi i studimit “Inxhinieri mekanike”, me profile:
- Energjetikë;
- Konstruksion makinash dhe mjete lëvizëse;
- Prodhim dhe menaxhim industrial.
Në përfundim të këtij programi do të lëshohen diplomat e mëposhtme:
• Diplomë e nivelit të dytë, DND, në inxhinieri mekanike, me profili energjetikë;
• Diplomë e nivelit të dytë, DND, në inxhinieri mekanike, me profil konstruksion makinash dhe mjete lëvizëse;
• Diplomë e nivelit të dytë, në inxhinieri mekanike, me profil prodhim dhe menaxhim industrial.
ii) Programi i studimit “Inxhinieri materiale”, me profile:
- Materiale;
- Metalurgji dhe fonderi.
Në përfundim të këtij programi do të lëshohen diplomat e mëposhtme:
• Diplomë e nivelit të dytë, DND, në inxhinieri materiale, profili materiale;
• Diplomë e nivelit të dytë, DND, në inxhinieri mekanike, profili metalurgji dhe fonderi.

UNIVERSITETI BUJQثSOR
a) Në Fakultetin e Bujqësisë dhe Mjedisit:
j) Programi i studimit “Inxhinieri agrare”, me profile:
- hortikulturë;
- mbrojtja e bimëve;
- prodhimi bimor;
- zootekni;
- akuakulturë.

Në përfundim të këtij programi do të lëshohen diplomat e mëposhtme:
• Diplomë e nivelit të dytë, DND, në inxhinieri agrare, me profil hortikulturë;
• Diplomë e nivelit të dytë, DND, në inxhinieri agrare, me profil mbrojtja e bimëve;
• Diplomë e nivelit të dytë, DND, në inxhinieri agrare, me profil prodhimi bimor;
• Diplomë e nivelit të dytë, DND, në inxhinieri agrare, me profil zootekni;
• Diplomë e nivelit të dytë, DND në inxhinieri agrare, me profil akuakulturë.
ii) Programi i studimit “Inxhinieri agromjedis”, në përfundim të të cilit lëshohet diplomë e nivelit të dytë, DND, në inxhinieri agromjedisi.
b) Në Fakultetin e Bioteknologjisë dhe Ushqimit, programi i studimit “Inxhinieri agroushqimore”, me profile:
- vreshtari-enologji;
- teknologji agroushqimore.
Në përfundim të këtij programi do të lëshohen diplomat e mëposhtme:
• Diplomë e nivelit të dytë, DND, në inxhinieri agroushqimore, me profil vreshtari-enologji;
• Diplomë e nivelit të dytë, DND, në inxhinieri agroushqimore, me profil teknologji agroushqimore.



Libri i Transparencës, 200 ankesa vetëm në Tiranë

Dje ishte afati përfundimtar i dorëzimit të ankesave për llogaritjen e pikëve të universitetit. Vetëm nga maturantët e Tiranës, në drejtorinë arsimore kanë mbërritur rreth 200 të tilla. Në bazë të rregullores së Maturës Shtetërore, të gjitha ankimimet do të shqyrtohen dhe aty ku pretendimet e kandidatit do të shihen të drejta, do të bëhen ndryshimet përkatëse. Sipas specialistëve të drejtorisë arsimore, përveç kontestimit për pikët që kanë marrë, maturantët janë ankuar dhe për gabimet në të dhënat e identitetit, shkollës, apo probleme të tjera të pasqyruar në “Librin e Transparencës”. “Sa i përket gabimeve me të dhënat e identitetit, për të cilat kemi pasur edhe numrin më të lartë të ankesave, do të bëhen ndryshimet përkatëse dhe lista do të afishohet në shkolla”, sqaruan përfaqësuesit e drejtorisë arsimore. Ata nënvizuan se, në jo pak raste pretendimet e maturantëve kanë qenë të pabaza. “Por edhe kjo kategori nxënësish do të marrë sqarimet përkatëse. Në mënyrë që të mos ketë asnjë dyshim për transparencën me të cilën është krijuar rrjeti i të dhënave”, shprehen specialistët. Brenda javës së parë të muajit shtator do të ketë përfunduar dhe verifikimi i ankesave dhe kthimi i përgjigjeve për secilën. Me mbylljen e kësaj procedure do të nisë dhe listimi i fituesve nëpër fakultete sipas kuotave. Pas publikimit të “Librit të Transparencës”, maturantëve ju dha koha e mjaftueshme për të evidentuar gabimet e mundshme. Në dispozicion të tyre u vu një formular, ku pasi të kishin kryer korrigjimet përkatëse, duhet ta dorëzonin në shkolla. Në “Librin e Transparencës” janë të dhënat personale për secilin kandidat, që ka përfunduar Maturën Shtetërore dhe konkurron për në shkollë të lartë. Komponentët janë konvertuar në pikët e grumbulluara për secilën nga 10 preferencat e renditura sipas radhës.
 
Universitetet, si do përzgjidhen fituesit

Lista e fituesve në shkollat e larta do të bëhet në mënyrë elektronike. Në këtë formë do të hidhen poshtë të gjitha dyshimet për gabime, apo abuzime të mundshme.

zirina llambro

Agjencia e Pranimit në institucionet e arsimit të lartë ka kryer pjesën më të madhe të punës. Pas shqyrtimit të ankesave për Librin e parë të Transparencës, listat do të afishohen në shkollat e mesme e më pas do t’i dorëzohen edhe universiteteve. Gjithçka pritet të përfundojë deri më 15 shtator. Sipas kreut të APRIAL, Frederik Shalësi, nuk duhet të krijohet konfuzion mes maturantëve. Skema e përzgjedhjes do të jetë sipas parimit të meritës dhe vullnetit të çdo kandidati. “Midis këtyre dy parimeve prevalon merita. P.sh., nëse në një degë për 200 vende që korrespondojnë me kuotat e pranimit, konkurrojnë 5 000 kandidatë. Shansin për të fituar do ta kenë 200 të parët, të cilët kanë numrin më të lartë të pikëve. ثshtë konkurrenca ajo që përcakton fituesit”, sqaroi Shalësi. Ai nënvizoi se, vërtet maturanti mund të pretendojë që ka një numër të lartë pikësh, por ai nuk llogarit dot se sa të tjerë kanë më shumë pikë se ai. “Kjo është puna jonë. Në mënyrë elektronike do të listohen fituesit. Kush ka pikët më të larta në një degë të kërkuar, ka avantazhe ndaj tjetrit, që ka pikë më të ulëta për të njëjtën degë. Këtu nuk luan rol nëse dega është preferencë nr. 4 për njërin kandidat dhe preferencë nr. 1 për kandidatin tjetër”, theksoi kreu i APRIAL. Ai shtoi se, mënyra sesi llogariten pikët është publike dhe e vendosur në udhëzimet dhe shpjegimet që përmban “Libri i Transparencës” nr.1. “Të gjithë maturantët e kanë në duar këtë bazë të dhënash dhe për çdo paqartësi mund të konsultohen me të. ثshtë i disati vit tashmë që skema e zbatuar për të shpallur fituesit është e njëjtë”, sqaroi Frederik Shalësi.
Fituesit
Kandidatët që kanë kaluar me sukses Maturën Shtetërore konkurrojnë për 20 211 kuota pranimi në shkollat e larta publike. Të gjitha këto i përkasin sistemit me kohë të plotë. Krahasuar me vitin e kaluar universitetin do ta nisin 6 mijë maturantë më shumë. Part-time do të kenë mundësi të fillojnë shkollën 500 kandidatë, ndërsa do të transferojnë programet mësimore 500 të tjerë. Nga ana tjetër, studentët që kanë mbaruar një shkollë të lartë dhe janë të interesuar për një tjetër, do të zgjidhen me dosje. Dokumentacionin duhet ta dorëzojnë në Ministrinë e Arsimit brenda datës 10 shtator. Përveç tarifës së shkollimit, që varion nga 50 mijë deri në 100 mijë lekë, kjo kategori kandidatësh duhet të ketë edhe afri me degën ku kandidon. Pas shpalljes së fituesve regjistrimi i studentëve do të kryhet në dy faza. Regjistrimi paraprak dhe regjistrimi përfundimtar. Pasi shpallet lista e fituesve me renditjen fillestare të të gjithë kandidatëve në programet e studimit (degët) përkatëse, bëhet regjistrimi paraprak pranë sekretarive të IAL-ve. Pas regjistrimit paraprak, hiqen nga lista të gjithë kandidatët që nuk do të figurojnë të regjistruar për arsye të ndryshme dhe shpallet lista e re me fituesit përfundimtarë. Ata kandidatë, që në listën për regjistrimin përfundimtar do të jenë fitues në një program studimi tjetër nga ai i regjistrimit paraprak, duhet detyrimisht të ç’regjistrohen dhe të regjistrohen në programin e studimit ku kanë dalë fitues sipas listës përfundimtare.


Shembull

Një kandidat ka grumbulluar 6000 pikë
Ai ka listuar 10 preferenca për në universitet.
Të parën ka vendosur juridikun. Në këtë degë konkurrojnë 5000 kandidatë. Por kuotat e pranimit në këtë degë janë vetëm 200. Në mënyre elektronikë bëhet listimi i kandidatëve deri sa të plotësohet numri 200. Nga të gjithë kandidatët që konkurrojnë vetëm 50 kanë 6000 pikë. Pra, kandidati X është njëri prej 50 fituesve të parë. Të tjerët kanë më pak pikë dhe vija ka ardhur në ulje deri sa është plotësuar numri i plotë i vendeve



Kreditet për 4 tipat e diplomave

Për secilën nga tipat e diplomave që fiton studenti duhet të grumbullojë numrin e krediteve të përcaktuara nga Ministria e Arsimit. Kemi 4 të tilla. Respektivisht janë: “Diplomë e nivelit të parë” (DNP), “Diplomë e nivelit të dytë” (DND), “Diplomë e integruar e nivelit të dytë” (DIND), “Diplomë për gradën shkencore “Doktor” (Dr)”. Për secilën prej cikleve të studimit të nivelit të parë dhe të dytë kemi edhe masterat (MNP) dhe (MND). Kështu për të fituar një diplomë të nivelit të parë (DNP), studenti duhet të ketë grumbulluar 180 kredite. Për të fituar një diplomë të nivelit të dytë (DND), studenti duhet të ketë grumbulluar 120 kredite. Për të fituar një diplomë të integruar të nivelit të dytë (DIND), studenti duhet të ketë grumbulluar së paku 300 kredite. Për të fituar një diplomë të masterit të nivelit të parë (MNP), studenti duhet të ketë grumbulluar 60 kredite, si dhe për të fituar një diplomë të masterit të nivelit të dytë (MND), studenti duhet të ketë grumbulluar të paktën 60 kredite.

g.panorama*
 
Per nje provim te marresh pergjigje mbas me shume se dy muajve per mua eshte anormale,dembelizem.
Provimi me dt.10 korrik
Pergjigjet njehere nje njehere nje .Rezultatet brenda 15 shtatorit pffffffffff hejde shtet hajde ,kulmi.
 
Ing. Ndertimit?! S'eshte diplomu as1..
 
as edhe nje informacion per FIN (FAKULTETI I INXHINIERISE SE NDERTIMIT)
 
Duhet të kyçeni ose të regjistroheni për t'u përgjigjur.

Konkursi Letërsisë

  • Aeroporti i Zaventemit

    Votat: 6 54.5%

  • Të harrova, sepse të dua

    Votat: 5 45.5%

  • Vetëm …

    Votat: 4 36.4%
See comments…

Theme Editor

Settings Colors

  • Mobile users cannot use these functions.

    Select View Mode

    Switch between full screen and narrow screen modes.

    Grid View

    Easily review content and get an organized view with grid mode.

    Image Grid Mode

    Display your content in an organized and visually rich way with background images.

    Sidebar Close

    Create a larger workspace by hiding the sidebar.

    Fixed Sidebar

    Ensure constant access and easily manage your content by pinning the sidebar.

    Box view

    You can add a box-style frame to the sides of your theme or remove the existing frame. Valid for resolutions over 1300px.

    Radius Control

    Customize the look however you like by turning the radius effect on or off.

  • Choose your color

    Choose the color that reflects your style and ensure aesthetic harmony.
Back