LeVoyageur
RDM 33 NSOE
Quhet Liberland shteti më i ri i krijuar fare pranë Shqipërisë edhe pse nuk dihet nëse do të ekzistojë. Deri tani 250 mijë vetë kanë aplikuar për të marë nënshtetësinë në vendin që gjendet në kufijtë serbo-kroat.
Rreth 250 000 vetë kanë aplikuar për nënshtetësi në Liberland vetëm dy javë nga shpallja e republikës më të re në Europë, pak kilometra nga Shqipëria, në kufirin serbo-kroat.
Të paktën kështu pretendon presidenti i vetëshpallur i shtetit, Vit Jedliçka, edhe pse nuk dihet ende nëse ky i ashtuquajtur shtet do të ekzistojë me të vërtetë.
Jedliçka, një politikan çek i deklaruar si euroskeptik, shpalli Republikën e Lirë të Liberlandit më 13 prill në një territor prej rreth 8 kilometrash katror pasi kuptoi se territori nuk pretendohej as nga Serbia dhe as nga Kroacia, edhe pse gjendej mes kufijve zyrtarë të dy shteteve pranë brigjeve të Danubit.
Ai madje ka krijuar edhe një flamur dhe himnin kombëtar dhe thotë se kushdo që nuk ka rekorde kriminale ose një të kaluar të lidhur me komunizmin apo nazizmin, mund të bëhet pjesë e këtij projekti, ku taksat do të jenë opsionale ndërsa fuqia e qeverisë tej mase e kufizuar.
“Kroacia pretendon se territori i përket Serbisë, por kjo e fundit nuk e do dhe kjo situatë ka zgjatur për 24 vjet”, thotë Jedliçka, i cili pasi nguli flamurin në territorin në fjalë për ta pretenduar ka dërguar edhe kërkesën e njohjes së shtetit në zyrat diplomatike në mbarë botën.
Republika e tokës së lire tashmë ka një kushtetutë, flamur, emblemë, faqen zyrtare të internetit, faqe facebook dhe një moto: “Të jetojmë dhe lë të tjerët të jetojnë”.
“Liberland” krenohet me lirinë personale dhe ekonomike të popullit të saj, dhe kushtetutën e saj e cila përpiqet të kufizojë pushtetin e politikanëve për të ndërhyjnë shumë në lirinë e kombasve të “Liberland. ”
Faqja zyrtare e facebook e këtij shteti sa vjen e rritet dhe shtetasit tashmë kanë nisur të diskutojnë dhe për sistemin e tyre monetar.
ora news
