Britaniku Andy Murray është rikthyer nga një set disavantazh, për të fituar dy setet e radhës dhe për të mposhtur argjentinasin Juan Martin Del Potro në finalen e Canada Masters në Montreal.
Një ditë pasi zëvendësoi Rafael Nadal në pozitën e numrit dy të botës, Murray ka bërë një paraqitje të shkëlqyeshme për të mposhtur Del Potron gjatë finales që zgjati dy orë e 42 minuta.
Del Potro fitoi setin e parë me 7-6, por u mposht me të njëjtin rezultat në setin e dytë. Seti i tretë, vendimtar, i takoi plotësisht Murrayt, i cili e fitoi bindshëm, 6-1.
Kjo ishte fitorja e pestë e Murrayt këtë sezon, i cili bëhet britaniku i parë në 128 vite që fiton turneun kanadez.
