Temperaturat globale, në rritje që nga 1850

Temperaturat mesatare globale kanë qenë në ngritje që nga viti 1850 dhe ngrohja është përshpejtuar që nga viti 1970, tregojnë të dhënat e publikuara të marten nga Shërbimi meteorologjik britanik.

Të dhënat vijnë nga 1.500 stacione meteorologjike nga e tërë bota, të shfrytëzuara për përcjelljen e klimës. Këto të dhëna tregojnë për ngrohje rapide globale që nga të shtatëdhjetat, me secilin dhjetëvjetësh duke u bërë më i ngrohtë në mënyrë progressive.

Shërbimi meteorologjik britanik ka bërë të ditur se i ka publikuar këto të dhëna për ta shtuar transparencën dhe për të mbështetur dëshmitë se bota po ngrohet./rel/