Javën e kaluar, një çift postoi në rrjetin social “Instagram” një nga fotot e fejesës. Mzznaki Tetteh është një infermiere nga Accra, Ghana. Së fundmi ajo u fejua me të dashurin e saj, Kojo Amoah, një punëtor ndërtimi.
Në foton e publikuar në “Instagram”, Amoah pozoi duke e mbajtur Mzznaki “hopa”. Sipas “Metro”, përveç komenteve pozitive nga përdoruesit online, fotoja mori shumë kritika në lidhje me peshën e Mzznaki. Madje disa prej tyre publikuan sërish foton duke u tallur me të.
Për t’u përgjigjur komentuesve dashakeqës, Tetteh, ka vazhduar në postimin e fotove të fejesës. Në të njëjtën kohë, ajo edhe ka dhënë mesazhet e duhura për kritikat.
“Ende konfidente…komentet tuaja të pavlera nuk do të shkatërrojnë lumturinë time…Faleminderit të gjithëve për komplimentet dhe urimet e mira. Jam e nderuar”, shkruan infermierja. Por edhe i dashuri i saj ka reaguar në “Facebook”, duke i dedikuar bashkëshortes së tij të ardhshme mbështetje.
Sipas medieve ndërkombëtare, që nga incidenti, Tetteh jo vetëm që u vlerësua nga shumë njerëz por fitoi mijëra ndjekës në “Instagram” dhe vazhdon të postojë foto pozitive për trupin e saj.
E. S/Shekulli
