Edhe pse Linda ke marr vetem njeren pjese te tekstit tim personal dhe ke shkaktuar pothuajse "debat" lidhur me temen "C'fare paraqesin syte". Qe komentuesit t'a kene me te qarte se per cfare ne fakt kam shkruar une ne nje forum ku ka qene i postuar teksi im, do e postoj te terin ketu, normal qe nuk do kete nevoje te kerkoj leje per tekstin qe pjeserisht do riperseritet.
--------------
Sytë shpesh janë quajtur “dritare e shpirtit” ose “pasqyrë e shpirtit”, që gjithashtu është edhe thënje e vjetër antike. Studiuesit thonë se më pak kontakt me sy nënkupton më pak miqësi. Ata gjithashtu sugjerojnë se intimiteti është edhe funksion i sasisë së vështrimit të syve, proksimitetit fizik, intimitetit të temës së bisedës, dhe të buzëqeshjes. Nga ana tjetër kontakti i syve ka kuptim social, sepse shpreh dëshirën për komunikim, ndjenjat e bashkëbiseduesit, madje edhe veçoritë e personalitetit.Thjesht e thënë sytë e hapin ose e mbyllin komunikimin.
Kur jemi shumë të afërt me dikë e kemi të vështirë të përmbajmë kontaktin e syve. Bebëzat e syve zmadhohen kur dikush na pelqen, ndonjehere edhe zvogëlohen. Shkëlqimi në sy tregon gjendjen tonë emotive dhe atë psikike. Hapja dhe mbyllja e syve, fokusimi i koncetruar i shikimit janë shprehje të gjëndjes sonë të brendshme por në të njëjtën kohë edhe reaksion në ngacmimet nga jashtë apo në personin që e vështrojmë. Në sytë tona shihet gjithcka - gjëndja emotive, shëndetësore, disponimi etj. Në fakt sytë në shumë raste shprehin gjëra në aspekte të ndryshme më shumë se sa fjalët. Një person i kujdesshëm dhe intuitiv percepton më shumë gjëra duke "lexuar"sytë e tjetrit. Bashkëbiseduesit që përdorin kontaktin përmes syve zmadhojnë edhe pëlqimin midis tyre.
Nga kjo mund të konkludojmë se njeriu shumë gjëra mund t'i fsheh me sjelljet e veta, deklarimet, pamjen e vet, por asnjëherë nuk mund të fsheh reflektimin e shpirtit në sytë e vet.
I shkruar nga vete une nen nofken Dingo
.