Kresha
A pretty face can never trick me
Si të dallojmë parfumin origjinal nga ai falso?
Disa mënyra të thjeshta për ta dalluar një parfum autentik nga një parfum i rremë
Shumica e konsumatorëve nuk janë të vetëdijshëm se parfumet falso, të sofistikuara po gjejnë rrugën e tyre deri tek blerësi. Blerja e një parfumi të falsifikuar jo vetëm që mund të ju bëjë të ndiheni të mashtruar dhe të mërzitur, por gjithashtu mund të jetë i dëmshëm për shëndetin tuaj. Megjithatë, ka disa shenja që do t`ju ndihmojnë të dalloni edhe falsifikimet më të përsosura.
- Parfumi autentik/origjinal zakonisht ka celofan që është mjaft i trashë dhe paloset pa të meta në mënyrë që të ngjitet fort në kuti. Nga ana tjetër, celofani i mbështjellur në mënyrë jo të duhur, është një shenjë treguese e parfumeve të falsifikuara. Nëse celofani i kutisë së parfumit mbyllet në një mënyrë jo tërheqëse (teza është më shumë se 5 mm e gjerë, është e pabarabartë, ose ka ngjitës të tepërt mbi të), atëherë parfumi nuk është autentik. Mbështjellja e parfumit origjinal ka gjithmonë tegela pa të meta.
- Paketimi i vërtetë është nga kartoni me cilësi të lartë dhe është krijuar për të mbrojtur shishen nga dëmtimi. Kjo është arsyeja pse brenda kutisë ekziston një ndërtim i veçantë që mban shishen e parfumit në vend.
- Shikoni rrethin e artë në kutinë e parfumit. Shigjeta me ngjyre të zezë duhet të jete e kthyer lartë.
- Markat e famshme nuk përdorin shumë ngjyra në produktet e tyre, prandaj ngjyra e parfumit autentik zakonisht është e zbehtë. Ngjyra e habitshme `kimike` e një lëngu është shenja e një parfumi të rremë.
- Kapaku i një parfumi origjinal duhet të jetë krejtësisht simetrik (natyrisht nëse nuk është krijuar ndryshe në krijimin origjinal).
- Numri serik është i shenuar në pjesën e poshtme të shishes (dhe jo me ngjitës!). Numri serik në shishe, është identik me numrin në fund të kutisë.
- Një parfum autentik do të ketë një shishe me cilësi të lartë me një sipërfaqe të lëmuar dhe të hollë. Shishja e një parfumi të rremë është pak e ashpër dhe e konturuar.
Nga paketimi, deri te kapaku i shishes, çdo detaj i një parfumi origjinal është i menduar mirë. Sidoqoftë, nëse inspektoni plotësisht një parfum të rremë, do të gjeni shumë papërsosmëri.
Kur blini një parfum, mos hezitoni të kontrolloni faqen e internetit të prodhuesit për të parë nëse informacioni i botuar përputhet me atë që ofrohet në paketim. Mbani mend, edhe mospërputhja më e vogël është shenjë e falsifikimit.
© REVISTA TEUTA
?