Shqipëria ka humbur 8 vende në renditjen e FIFA-s për muajin shkurt, duke zënë vetëm pozicionin e 71-të. Disfata 1-2 e pësuar nga Gjeorgjia në "Qemal Stafa", ka bërë që përfaqësuesja kuqezi të kalohet nga 8 ekipe të tjera, përfshirë edhe gjeorgjianët.
Në klasifikimin e muajit shkurt, Spanja zë sërish vendin e parë, e ndjekur nga Gjermania, Argjentina, Anglia, Italia, Kolumbia e Portugalia. Por, ajo që bie më shumë në sy, është renditja e pazakontë e Brazilit, skuadrës 5 herë kampione të botës. Seleçao zë pozicionin e 18-të, ashtu si në muajin janar, duke u kaluar edhe nga ekipe si Kolumbia, Greqia apo Zvicra. Një fakt, që ngre sërish pikëpyetje mbi bazën e sistemit që merr për bazë FIFA në përcaktimin e kësaj renditjeje.
(a.k/A.Latifi/BalkanWeb)