redi-
Anëtar i Respektuar
Në sezonin e verës, veç marketingut destinacionet e ndryshme turistike në mbarë botën reklamohen edhe në internet falë pushuesve të shumtë ndërkombëtarë. Në faqe të ndryshme të kushtuara turizmit, rekomandimet e atyre që shëtisin zakonisht në të gjithë botën kanë nisur të përfshijnë edhe Shqipërinë. Stiv Mckenna, është një prej turistëve që në faqen e gazetës australiane Sidnej Morning Herald rekomandon vendin tonë për sezonin e verës. Një adhurues i Dhërmiut, Mckenaa shpjegon se Shqipëria ofron jo vetëm plazhe mbresëlënëse, ushqime të shijshme apo mikpritje të jashtëzakonshme por edhe çmimet më të lira në zonën e euros. Shqipëria një nga vendet më misterioze të botës është e bekuar me një bukuri të rrallë natyrore. Duke përshkruar hap pas hapi pushimet e tij në Dhërmi, Mckeena rrëfen se çmimet e hoteleve pothuaj 40 dollarë nata atje ishin çuditërisht të lira duke qenë se për këtë ambient kudo tjetër në botë ai do të paguante dhjetë herë më shumë ndërsa për këtë përrallë të bukur siç e përshkruan ai ka arritur ta shijojë shumë herë më lirë dhe me shumë dëshirë se kudo tjetër.