Një monstër i cili përdhunoi deri në vdekje djalin 4-vjeçar të të dashurës së tij rrezikon dënimin me vdekje.
Keith Jordan Lambing, 20-vjeç, është autori i këtij veprimi të tmerrshëm, dhe ai u arrestua nga policia e Pittsburgh-ut në SHBA, 1 ditë pas ngjarjes tragjike të vdekjes së djalit 4-vjeçar Bentley Miller.
Oficerët e gjetën djaloshin pa ndjenja në makinën e Kristen Herold, mamasë së Lambing.
Edhe pse u dërgua me urgjencë në spital, vogëlushi humbi jetën për shkak të gjakrrjedhjes së brendshme.
Prokurorët, pas ekzaminimit të mjeko-ligjor të trupit, thanë se djaloshi ishte përdhunuar barbarisht.
Përpos gjakrrjedhjes së brendshme, fëmija ka patur edhe shtrengim në qafë që i ka shkaktuar gati mbytjen.
Pas kësaj, policia siguroi një mandate arresti për Lambing dhe e gjeti atë në një shtëpi të braktisur mbrëmjen e së mërkurës.
Tashmë akuzohet për vrasje, përdhunim dhe dëmtime të tjera.
Ndërkohë që nëna e tij është akuzuar se ka rrezikuar jetën e fëmijës së saj, duke neglizhuar rrezikshmërinë e të dashurit.
“ثshtë e paimagjinueshme se si një person mund t’ia bëjë këtë një qënieje humane, një vogëlushi vetëm 4-vjeç”,- tha prokurori i çështjes.
Pas këtij rasti, edhe shërbimi për mbrojtjen e fëmijëve është përfshirë, duke qenë se edhe ata nuk kanë reaguar si duhet pak kohë më parë kur vogëlushit i ishte thyer krahu, e duke e lënë rastin si një incident natyral.
Cifti ka edhe një fëmijë tjetër 4-muajsh, i cili është marrë në mbrojtje nga autoritetet. /Blitz.al/