Kresha
A pretty face can never trick me
Presidenti i Serbisë Tomislav Nikoliç ka kërkuar falje për herë të parë lidhur me masakrën e Srebrenicës, ku janë masakruar rreth 8,000 persona. Kërkimfalja e tij përfshiu cilësimin e masakrës si gjenocid.
"Unë bie në gjunjë dhe kërkoj falje në emër të Serbisë për krimin e kryer në Srebrenicë", tha Nikoliç, në një intervistë të transmetuar në televizionin kombëtar boshnjak.
"Unë kërkoj falje për krimet e kryera ndaj çdo individi në emër të shtetit tonë dhe popullit tonë", tha ai në intervistë.
Zyra e Nikoliçit konfirmoi për agjencinë e lajmeve AFP vërtetësinë e deklaratës.
Mijëra boshnjakë, kryesisht myslimanë u vranë nga ushtarët serbë gjatë Luftës Ballkanike në mes të viteve 1992 dhe 1996.
Pasi u zgjodh majin e kaluar, Nikoliç ka shkaktuar një tronditje në rajon, duke refuzuar të pranojnë se masakra në Bosnje, ishte një gjenocid, pavarësisht se ajo ishte konsideruar si e tillë nga dy gjykatat ndërkombëtare.
Nikoliq në atë kohë tha se "nuk ka pasur gjenocid në Srebrenicë".
Gjyqi për krime lufte
Deri pesë vjet më parë Nikoliç ishte një zyrtar i lartë i Partisë ultra-nacionaliste Radikale e cila ka mohuar se forcat serbe kanë kryer krime gjatë luftërave ballkanike.
Udhëheqësi i saj, Vojislav Sheshelj është aktualisht në gjyq për krime në Hagë.
Përderisa kjo është kërkimfalja e parë e mbi Srebrenicën, Serbia ka në të kaluarën shprehur keqardhje mbi vdekjen.
Në vitin 2010, parlamenti serb miratoi një deklaratë historike që dënon masakrën e Srebrenicës në një gjest i dhënë fund viteve të mohimit nga ana e politikanëve serbë rreth shkallës së vrasjeve, por Nikoliç në atë kohë nuk e mbështesin veprimin.
Paraardhësi i tij Boris Tadiç gjithashtu kërkoi ndjesë për viktimat e Srebrenicës gjatë një ngjarje përkujtimore në vitin 2005.
Ndërkohë ushtarakët Radovan Karaxhiç dhe Ratko Mlladiç janë aktualisht në gjyqin e Hagës nën akuzat për gjenocid dhe rolin e tyre në masakrën që vrau 8000 myslimanë.
/mesazhi/
