Arfenilla
Themelues i Forumit
Shtimi i “selfieve” me celularët modernë, ose më thjesht, foto vetes ka të bëjë me gjendjen shëndetësore të individit, që fokusohet tek mania e personit me dukjen e tij.
Sipas psikiatrit David Viel, dy nga tre pacientët që e kanë vizituar me çrregullim disformik të trupit (mendime negative për dukjen - v.j.) - që nga dalja e kamerave në celularë - kanë kompulsione që vazhdimisht i cojnë të bëjnë dhe të postojnë “selfie” në rrjetet sociale.
"Terapia konjiktive biheviorale përdoret për të ndihmuar pacientët për të njohur arsyet për sjelljen e tij kompulsive dhe për të mësuar pastaj për ta zbutur atë”, tha ai për ‘The Mirror’.
Një adoleshent britanik u përpoq të vetëvritej pasi nuk arriti të bëjë “selfie” të përsosur. Danny Bowman u fiksua me pozat perfekte, për çka kaloi 10 orë në ditë duke bërë 200 “selfie”. 19-vjeçari humbi rreth 14 kilogramë, e la shkollën dhe nuk doli nga shtëpia për gjashtë muaj, në kërkimin e tij për foton e duhur. Ai bënte 10 fotografi, menjëherë pasi zgjohej. I frustruar nga tentativat për ta bërë imazhin që donte, u përpoq ti marrë jetën vetes me një mbidozë, por fatmirësisht u shpëtua nga nëna.
"Vazhdimisht isha në kërkim të bërjes së ‘selfieve’ perfekte. Dhe, kur kuptova se nuk mundesha, doja të vdisja. I humba miqtë, edukimin tim, shëndetin tim e gati edhe jetën”, tha ai për “The Mirror’.
Adoleshenti besohet të jetë i pari që iu nënshtrua terapisë për të trajtuar varësinë teknologjike, çrregullimin obsesivo-kompulsiv.
Një pjesë e trajtimit të tij në Spitalin Maudsley në Londër përfshinte largimin e iPhonet në intervale prej 10 minutave, gjë e cila shtohej në 30 minuta e pastaj një orë.
"Ishte torturë për të filluar me këtë, por e dija se duhet bërë nëse dua të jetoja”, tha ai.
Zyrtarët e shëndetësisë publike në Mbretërinë e Bashkuar njoftuan se është sëmundje varësia ndaj mediave sociale, si Facebook-u dhe Twitter-i, dhe se 100 pacientë kërkojnë trajtim për çdo vit.
Manifestimi online i narcizmit mund të jetë diçka si strategji e vetëprezantimit për të kompensuar vetëvlerësimin e ulët. Por, kur këto përpjekje përforcohen dhe shpërblehen nga të tjerët, ata përjetësojnë deformimin e realitetit dhe konsolidojnë iluzionet narcisoide.
Varësia nga “selfiet” ka alarmuar edhe profesionistët e shëndetit në Tajlandë.
"Për t'i kushtuar vëmendje fotografive të publikuara, për të parë se kush i sheh, kush i pëlqen apo kush i komenton, duke shpresuar që të arrihet numri më i madh të ‘like-ve’... kjo është simptoma se ‘selfiet’ shkaktojnë probleme”, thotë Panpimol Wipulakorn, duke shtuar se këto sjellje mund të shkaktojnë në të ardhmen probleme të trurit, veçanërisht ato të ndërlidhura me mungesën e vetëbesimit.
Fjala "selfie" u zgjodh si "Fjala e Vitit 2013", nga Oxford English Dictionary. Ajo është kornizuar si "fotografi që dikush ia bënë vetes, në mënyrë tipike me një smartphone ose webcam, dhe që ngarkohet në faqet e internetit të mediave sociale”.Lajmi(BW)
... ou? dhe kete e thane? Me duket se duan te ulin figuren tone kot si koti, Lol... 
ne pleqve na iku radha 
