FRANCث- Presidenti francez Nikola Sarkozi i bëri thirrje popullit për unitet. “Uniteti duhet të jetë prioriteti ynë”,- u shpreh kreu i Elizeut në një deklaratë të shkurter, ku njoftoi vrasjen e Muhamed Merah, i dyshuar si autor i masakrës së Tuluzës.
Sipas Sarkozi vrasja e Merah ishte e nevojshme. “Republika Franceze do të vazhdojë të mbroje vlerat e saj”,- tha presidenti francez. Sipas tij qeveria do të ndëshkojë këdo që futet online dhe shpreh simpati për terroristët. “Populli francez duhet të kapërcejë këtë mizori dhe të mos i lërë vend zemërimit. Bashkëqytetarët tanë myslimanë nuk kanë të bëjnë aspak me këtë akt të cmëndur terrorizmi”,- tha Sarkozi.
Ndërkohë e përditshmja franceze Le Figaro raportoi në websajtin e saj se ekipi i fushatës elektorale të Sarkozi ka njoftuar se do të rinisë sot fushata për zgjedhjet presidenciale. Sarkozi do të mbaje sot në orën 18:00 një miting elektoral në Strasburg. Presidenti pati ndërprerë fushatën menjëherë pas sulmit në shkollen hebraike të Tuluzës.
(el.me/NEWS24/BalkanWeb)
Redaktimi i fundit: