Monique
With or Without u
Ju mendoni se të rënit në gjumë është një proces relaksues dhe qetësues, por jo gjithmonë është kështu. Ndodh shpesh që ju kap një ndjesi alarmante sikur po bini poshtë, ndërkohë që jeni në krevat.
Kjo mund t’u ketë ndodhur një herë, dy herë apo shumë herë e megjithatë nuk jeni i vetmi person që e keni përjetuar këtë ndjesi, u ndodh thuajse të gjithëve dhe nuk ka asgjë të keqe. Ajo është diçka normale dhe ka një shpjegim logjik për të.
Kjo ndjesi quhet “Tërmeti Hipnicas” ose “hypnic tiro” dhe rreth 70% e njerëzve në mbarë botën e kanë përjetuar një rënie të tillë.
Por, pse ndodh atëherë?! Epo, zakonisht kjo ndodh gjatë fazës kur jeni në gjumë dhe zgjuar njëherësh e njohur me termin psikologjik “hypnagogic”. Ndonjëherë kjo ndjesi mund të jetë shumë e pakëndshme si rezultat i një tendosjeje të pavullnetshme që mund të shkaktohet si rezultat i ndonjë reagimi nga tingujt që vijnë nga jashtë.
Por, mbi të gjitha lëkundja e njohur si rënie nga shtrati vjen si reagim i trurit kur muskujt pas rënies në qetësi fillojnë dhe shtendosen dhe relaksohen. Sigurisht, kur ndodh kjo, truri mendon se jeni duke rënë dhe ju jep një sinjal të tillë dhe truri përgatit trupin për “rënien”.
Kjo ndjesi është normale dhe nuk do të thotë se vuani nga diçka e rëndë, megjithatë nëse bëhet e vazhdueshme atëherë vjen si shkak i ankthit, sindromës së stresit dhe lodhjes së tepërme.
Si mund të evidentohet një “rënie” e tillë?! Studimet kanë treguar që nëse doni të keni sa më pak ndjesi të tilla ose fare, është mirë që para se të bini në gjumë mos të zgjidhni ekuacione apo probleme matematikore praktikisht asgjë që ka të bëjë me shifra, gjithashtu mund të bëni një dush para gjumit ose edhe të meditoni.
::
