Kresha
A pretty face can never trick me
Mbrojtësi nga Tetova i cili mbronë ngjyrat e Danimarkës, Riza Durmishi, ka folur për herë të parë pas ndeshjes Danimarkë-Shqipëri, në të cilën ai u vërshëllye sa herë që e mori topin.
Durimishi tha se FSHF-ja asnjhëerë nuk e ftoi të luante për Shqipërinë andaj ishte i detyruar ta zgjedhte Danimarkën. Për këtë arsye lojtari nuk është ndjerë mirë nga ofendimet të cilat i janë bërë atij nga tifozeria shqiptare., transmeton Gazeta Express.
“Nuk u ndjeva mirë kur dëgjoja ofendimet që mi bënë tifozët shqiptarë, sepse ata nuk e dinë historinë time që nga fëmijëria e deri sa u rrita, dhe përse kam vendosur të zgjedhë Danimarkën para Shqipërisë. Kur do ta mësojnë tani të vërtetën besoj se do të pendohen për vërshëllimat që mi drejtonin atë mbrëmje”, ka thënë Durmishi.
“E vërteta është se Federata Shqiptare e Futbollit kurrë nuk më ka ftuar. Ju betohem se asnjëherë nuk më kanë bërë asnjë telefonatë. Ku ka shqiptarë që nuk dëshiron të luaj për Shqipërinë. Edhe nga damarët e mi rrjedh gjaku i shqiptarit, edhe unë jam shqiptar, por nuk jam ftuar. E tash kur unë e kam bërë zgjedhjen, sepse më është dashur më në fund të zgjedh një kombëtare, FSHF-së i del gjumi. Tani gjithçka më është vonë”, ka shtuar më tej mbrojtësi nga Tetova.
“Ndihemi i lënduar që më quajnë tradhtar, sepse unë nuk ndjehem aspak tradhtar, por një shqiptar i vërtetë. Zgjedhjen e kam bërë, pasi kam parë se askush nga drejtuesit e FSHF-së nuk kishin shprehur interesim për mua. Kur erdhi koha për të vendosur askush nuk më është paraqitur, prandaj vendosa të luaj për Danimarkën, sepse më duhej të mendoja për perspektivën time si futbollist” //korneri