-
- Anëtarësuar më
- Dec 15, 2011
-
- Mesazhe
- 40,842
-
- Reagimet e mara
- 35,773
Në kuadër të mbrojtjes dhe rijetëzimit të trashëgimisë kulturore në vend, duke u fokusuar sidomos në zonat muzeale të Gjirokastrës dhe Beratit, dy prej qendrave me një numër të madh të këtyre objekteve të rëndësisë së veçantë, është mbajtur në kryeqytet një konferencë ndërkombëtare.
Në të janë paraqitur edhe rezultatet e projektit “Revato”, të financuar nga Bashkimi Europian dhe të implementuar nga Fondacioni “Gjirokastra”, i cili ka patur si qëllim diagnostikimin dhe zgjidhjen e një sërë problemesh dhe sfidash të lidhura ngushtë me trashëgiminë kulturore, regjistrimin e saj dhe rolin e qytetarit në mbrojtjen dhe rijetëzimin e këtyre objekteve.
Sadi Petrela, drejtor i fondacionit “Gjirokastra”, theksoi: “Berati dhe Gjirokastra kanë rreth 1000 monumente kulture që janë në pronësi private. Ato përbëjnë zemrën e këtyre qyteteve dhe vitete e fundit vuajnë një sërë problemesh. Ne jemi munduar të adresojmë disa prej tyre. I kemi regjistruar në zyrat e regjistrimit të pasurive të paluajtshme.”
Sipas projektit, ndërtimet historike, monumente të kulturës në zonën e Gjirokastrës, arrijnë një vlerë rreth 58 milionë euro, ndërsa ato në zonën e Beratit kapin shifrat e rreth 20 milionë e 500 mijë eurove. Në konferencën e organizuar u miratua edhe një rezolutë e cila kërkon ndërhyrjen e menjëhershme në mbrojtjen e trashëgimisë kulturore si vlerë e identitetit kombëtar, por edhe atij europian.
Gjithashtu u theksua nevoja për menaxhimin e saj sipas standarteve më të mira botërore, për ta kthyer edhe në një burim për punësim dhe zhvillim.
/ Top Channel