Skuadra e njohur Spanjolle, Reali i Madridit më 20 janar do të udhëtoj për në Shqipëri, ku do të zhvillojë një ndeshje miqësore me skuadrën shqiptare, Gramozin nga Erseka. Kjo do të jetë një ndeshje historike për skuadrën shqiptare dhe njëherësh për të gjithë adhuruesit e këtij sporti që nga afër të shohin një Real të fortë me yjet si Ronaldo, Kaka, Raul, Kasiljas e shumë të tjerë. Skuadra e Gramozit që bën gara në elitën e futbollit shqiptar që moti ka nisur përgatitjet për këtë miqësore historike, e cila është paraparë që më 20 janar të zhvillohet në stadiumin kombëtar “Qemal Stafa” në Tiranë. Kështu Reali i Madridit do të jetë skuadra e dytë pas Milanit të madh që do të vjen në Shqipëri. Këtë lajm edhe zyrtarisht e ka konfirmuar kompania “Taçi Oil International”, e cila është organizatore e kësaj miqësore të madhe ndërkombëtare. Po kjo kompani gjatë viteve 2008 dhe 2009 solli Milanin e Berluskonit.
