Arfenilla
Themelues i Forumit
E diela ka shënuar fillimin e punës për të parën kompani ajrore në Malajzi që u përmbahet normave islame në veprimtarinë e saj.
Udhëtimi i parë ka nisur nga kryeqyteti malajzian Kuala Lumpur për në ishullin Langkavi.
Mes rregullave të kësaj kompanie ajrore është veshja e personelit. Pjesëtaret muslimane të personelit do duhet të kenë shami koke, ndërsa pjesa tjetër do vishet kujdesshëm e hijshëm.
Ushqimi i shërbyer në avion do jetë i tëri hallall, ndërsa do të jetë plotësisht i ndaluar shërbimi dhe përdorimi i pijeve alkoolike.
Veç ndalimit të përdorimit të mishit të derrit dhe të nënprodukteve të tij, i ndaluar do të jetë dhe përdorimi i mishit të kafshëve që nuk janë therur sipas rregullave islame.
Po ashtu, para nisjes së avionit do thuhen lutje, apo, ndryshe, do bëhen dua.
Drejtori i përgjithshëm i Rayani Air-it, Jaafar Zamhari, do të shprehej se ndjeheshin krenarë që ishin e para kompani ajrore në Malajzi që e kryente veprimtarinë e vet sipas ligjit islam.
Rayani Air i shtohet kështu numrit të paktë të kompanive në botë që u përmbahen normave islame gjatë aktivitetit të tyre. /B mesazhi
