Erdogan rizgjidhet President: Populli turk më besoi sërish
Presidenti Recep Tayip Erdogan rikonfirmohet edhe për një mandat tjetër 5-vjeçar në krye të Turqisë. Në zgjedhjet e sotme (24 qershor) Presidenti Erdogan fitoi me 52 %, ndërsa rivali i tij Muharrem Ince arriti të sigurojë 30% të votave. Me këtë rezultat Erdogan arriti të shmangë nevojën për një raund të dytë votimi. Njëkohësisht qytetarët e Turqisë votuan edhe për anëtarët e parlamentit, ku partia e presidentit Erdogan u shpall fituese me 53.6% të votave.
Erdoğan, duke iu referuar zgjedhjeve të sotme parlamentare dhe presidenciale të mbajtura në këtë vend, tha se: “Lus Allahun që zgjedhjet e 24 qershorit të jenë në dobi për vendin dhe popullit tonë”, raporton Anadolu Agency (AA).
“Rezultatet jozyrtare të zgjedhjeve u bënë të ditura, populli im më besoi detyrën e presidentit”, theksoi presidenti Erdoğan.
Më tej, duke iu referuar zgjedhjeve parlamentare, Erdoğan tha se, “Qytetarët i dhanë përgjegjësi të madhe Aleancës Popullore dhe AK Partisë duke ua besuar shumicën në kuvend”.
“Turqia gjithë botës i dha leksion mbi demokracinë me pjesëmarrje e cila arrin deri në 90 për qind”, deklaroi presidenti turk.
Ai shtoi se siguria e vendvotimeve dhe liria e votimit është tregues i fuqisë së demokracisë së Turqisë.
Presidenti turk tha se do të vazhdojnë me përpjekjet që Turqia të ecë para në çdo fushë, duke shtuar se, “Qëllimi ynë në këtë periudhë është ta çojmë Turqinë drejt synimeve të vitit 2023”.
Presidenti, pas këtyre zgjedhjeve, do të ketë fuqi shtesë. Roli i kryeministrit shkrihet dhe Presidenti merr autoritetin e lëshimit të ligjeve përmes dekreteve.
Qytetarët e Turqisë u thirrën në zgjedhjet parlamentare dhe presidenciale, duke e konsideruar provën më të rëndësishme në votimet për presidentin Rexhep Tajip Erdogan dhe 15 vjet në pushtet. Vendvotimet mbetën të hapura nga ora lokale deri në orën 18:00.
(gazeta-Shqip.com)
.
