Prehu ne paqe Gramoz Palushi

Festa e fitores në futboll, Gramoz Palushi u vra në ishullin Zakinthos

Më 4 shtator 2004, një vrasje e ngjashme me atë të pak ditëve më parë në Kretë ka ndodhur ndaj emigrantëve shqiptarë në Greqi. Gramoz Palushi, 20 vjeç, nga Kukësi është therur me thika pas ndeshjes mes përfaqësueseve të Shqipërisë dhe Greqisë. Shqiptari ka qenë duke festuar në rrugët e ishullit Zakinthos bashkë me disa emigrantë të tjerë fitoren e kombëtares, ndërsa vendasit janë irrituar. Një grup civilësh janë konfrontuar me emigrantët shqiptarë, të cilët ishin duke gëzuar rezultatin e përfaqësueses shqiptare të futbollit. Pajtim Palushi, vëllai i Gramozit, ka treguar se, para ndeshjes vëllai i kishte thënë se do të shkonte të shikonte ndeshjen me shokët e tij në një lokal në fshat. “Rreth 15 minuta pas ndeshjes, më morën në telefon dhe më thanë se, Gramozi ishte plagosur rëndë dhe ndodhej në spital”, ka treguar vëllai i viktimës. Një shok i Gramoz Palushit, Imer Elezi, ka treguar se në momentin e ngjarjes ishin në qendër të fshatit kryesor të ishullit. “Po festonim fitoren e Shqipërisë. Një turmë grekësh sulmuan nga një magazinë dhe u plagosën shtatë shqiptarë, mes të cilëve edhe Gramozi”, ka treguar emigranti. Rezultati i ndeshjes ka shkaktuar djegien e makinave të disa shqiptarëve dhe dëmtimin e disa banesave. Gramoz Palushi ka pasur vështirësi pas plagosjes. Ai ka shkuar në spital, por, pasi e kanë kuptuar se ishte shqiptar, personeli i spitalit nuk i ka hapur derën.

Pak a shume kjo eshte historia e Gramoz Palushit