Të rritur në një ambient poçarësh, këta fëmijë në Farkë kanë kuriozitetin t’i japin formë baltës dhe nga duart e tyre të vogla të nxjerrin enë prej balte.
“Jam tetë vjeç. Poçarinë ma ka mësuar babi dhe më pëlqen shumë”, shprehet një djalë i rritur me pasionin për punimin e baltës.
Përmes aktivitetit “Duar të lashta”, që kishte për qëllim promovimin dhe trashëgiminë kulturore të Farkës, banorët ekspozuan produkte artizanale të qeramikës, por dhe verës e rakisë së zonës.
Procesi i krijimit të tavave dhe enëve të baltës kërkon delikates dhe përkushtim. Në Farkën e njohur për punimet e baltës tani janë vetëm katër familje që vazhdojnë traditën dhe synojnë që këtë profesion t’ua trashëgojnë fëmijëve, teksa kërkesa për këto enë gatimi dhe dekori është në rritje.
Top Channel