Njohja e komunitetit kinez s’është problem për Krasniqin

Kryetari i Kuvendit të Kosovës, Jakup Krasniqi, kishte sot një takim me kryetarin e Shoqatës së komunitetit kinez , Qung puth tao , nga i cili është njoftuar për pozitën e komunitetit kinez në Kosovë. Në këtë vështrim qung puth tao u angazhua që edhe kinezet të kenë të njëjtin status, si edhe pakicat e tjera në Kosovë.

Kryeparlamentari Krasniqi theksoi se qytetarët kinez gëzojnë në Kosovë të gjitha të drejtat, ndaj njohja e këtij komuniteti nuk është problem për institucionet e Kosovës, por çështje është se ata nuk përmenden në Kushtetutë krahas pakicave të tjera.

Kryeparlamentari Krasniqi theksoi se do të presin regjistrimin e popullsisë dhe pastaj do të shikohet se çfarë mund të bëjnë institucionet e Kosovës për avancimin e pozitës kushtetuese të kinezve.

Një kontribut të madh në përmirësimin e pozitës së kinezve do të mund të japë edhe pjesëmarrja e tyre në zgjedhje dhe në tërë proceset që zhvillohen në Kosovë.

Si kan filluar keshtu edhe kinezet do kerkojne te kene yllin ne flamur. Malazeset vetem jane duke e bere