Jeta e një 20-vjeçari britanik është shndërruar në tmerr të vërtetë, që kur është botuar libri i parë për magjistarin e vogël Harry Potter. Ky djalosh nuk ka të bëjë asgjë me magji, por i “gjori” shkakton të qeshura sa herë i prezantohet dikujt me emrin e tij real, Harry Potter.
Harry vërtetë ka telashe, sepse, sa herë prezantohet me emrin e tij real - Harry Potter – njerëzit e marrin prezantimin e tij si shaka. Madje kështu i ka ndodhur edhe kur është njoftuar me të dashurën e tij, të cilën e kishte bindur vetëm atëherë kur e kishte dëshmuar emrin duke e treguar kartën e tij të identitetit.
“Kur linda, e pagëzova të birin me emrin e princit Harry. Në vitin 1989 nuk ka ekzistuar libri i JK Rowlingut për magjistarin Harry Potter, dhe as që kam mundur të ëndërroja se ky emër të bëhej me famë botërore”, ka thënë e ëma e Harryt real, Tracey Shaw.
Edhe pse në fillim, djaloshit Harry i është dukur gjë argëtuese të kishte emrin e njëjtë me personazhin e famshëm botëror, shumë shpejt ky emër i është shndërruar në ankth.
Harry Potter
Problemet i janë shfaqur po ashtu edhe kur kishte konkurruar për punë. “Kur konkurrova për punë në bankë, ata nuk më besuan se unë quhesha ashtu. Tash jam i punësuar aty, mirëpo jam i punësuari i vetëm që nuk prezantohem me emër e mbiemër para klientëve”, ka thënë Potter.
*Telegrafi*