Amerikania Melani Oudin eliminoi që në raundin e dytë numrin katër në klasifikimin e përgjithshëm, Elena Dementieva me rezultatin 5-7, 6-4, 6-3.
Pretendentja kryesore për fitimin e këtij turneu ka zhgënjyer, duke u mundur nga 17-vjeçarja vendase, e cila renditet në vendin e 70-të në klasifikimin e përgjithshëm. Në raundin e tretë, Oudin do të ndeshet me rusen Maria Sharapova.
Të njëjtin fat ka pasur edhe tenistja serbe Jelena Jankoviç. Finalistja e vitit
të kaluar u eliminua prej tenistes nga Afganistani, Jaroslava
Shvedova, që e mundi serben në 3 sete, 6-3, 6-7, 7-6.
Shvedova, e renditur në vendin e 55-të e dominoi setin e tretë të ndeshjes, duke marrë katër pikë radhazi. Ajo përmbysi rezultatin e setit nga 3-6 në 7-6 në favor të saj, duke e nxjerrë jashtë turneut tenisten serbe.
Kalon edhe numri një e botës, Dinara Safina, e cila me vështirësi ka kaluar për në raundin tjetër, pasi mundi gjermanen Kristina Barois. Rusja fitoi 2-1 me sete (6-7, 6-2, 6-3) në ndeshjen që zgjati dy orë. Mungesa e përvojës së kundërshtares bëri që tenistja ruse të kalojë më tej.
Kampionia e turneut Roland Garro, Zvetllana Kuznetsova mundi në raundin e tretë tenisten nga Letonia Anastasia Sevastsova me rezultatin 6-4, 6-2.
Për meshkuj, Endi Rodik eliminoi tenistin francez Mark Gikel me rezultatin 6-1, 6-4, 6-4, duke vijuar më tej në turneun amerikan. Të njëjtën gjë bëri edhe Novak Xhokoviç, tenisti i vetëm serb në këtë turne, pas eliminimit të Jankoviç dhe Ivanoviç.
*telegrafi*
