Kresha
A pretty face can never trick me
Ndër 10 vjeçarët e fundit shumë dijetarë muslimanë janë ballafaquar me shkencëtarë perendimorë të fushave të ndryshme për t’u treguar se për zbulimet e tyre të arritura edhe me mjete shumë të sofistikuara të kohës, Kur’ani ka folur hapur
apo në mënyrë indirekte, para më shumë se 1400 vjetësh.
apo në mënyrë indirekte, para më shumë se 1400 vjetësh.
Vërtet Allahu i madhëruar i shpalli Muhammedit a.s. Kur’anin me dijen e Tij dhe i premtoi njerëzimit se gjatë zhvillimit të tij, do të vertetohet se Kur’ani është libër i Zotit. Ja si thuhet në Kur’an:
'“ E ju gjithsesi, më vonë do ta kuptoni vertetësinë e Kur’anit”
(Sad, 8 )
Dhe:
“ Ne do t’ua bëjmë atyre të mundëshme që të shohin shenjat Tona në horizonte dhe në vetën e tyre derisa t’u bëhet e qartë se Kur’ani është I vërtetë. A nuk mjafton që Zoti yt është dëshmitar për çdo gjë”
(Fussilet, 53).
Ne do te perpiqemi t'ua paraqesim juve edhe këtu, disa fakte më interesante, që me gjuhën e matematikës, provohet se Kur’ani është një mrekulli hyjnore.
Celësi i mrekullisë gjendet në ajetin e parë të Kur'anit.
Bismilahirr- Rrahmanirr- Rrahim
Arfet ( germat ), që e formojnë ate, janë gjithsej 19 ( në arabisht).
S’do të ishte asgjë interesante deri këtu, që janë 19 germa në këtë ajet. Por, në ajetin e fundit, I 30 -ti I sures “Al-Mud-dath-thir”, thuhet:
“ Mbi të vigjëlon nëntëmbëdhjetëshi”.
Profeti Muhammed a.s. nuk ka sqaruar se kujt i referohet ky numër, prandaj shumë komentues të njohur të Kur’anit, me kohë, kanë supozuar se numri 19 i referohet 19 ëngjujve që do të mbikqyrin njerëzit në Xhehenem; disa të tjerë thonin se numri 19 ka të bëjë me aftësinë e njeriut; disa të tjerë thonin se numri 19 tregon shtyllat dhe urdhëresat e fesë islame.Me gjithate, çdo komentues supozimin e vet e vazhdonte me fjalët: “ por Allahu e di më së miri”.
Pikërisht, këtë e zbuloi Dr. Reshit Halifa :
Në Kur’an është përdorur sistemi matematikor me bazë numrin 19. Numri 19 është numër pa pjestues ( pjestohet vetëm me 1 dhe me 19), ndryshe nga numri 18 që ka pjestues 2, 3, 3, 9 apo 20 me pjestues 2, 4, 5, 10.
Le të shohim disa fakte me të vërtetë interesante :
- Sureja e parë e shpallur “Al-Alak” përbëhet prej 19 ajetesh dhe është e vendosur në Kur’an në vendin e 19 nga fundi.
- Xhebraili herën e parë që u paraqit, shpalli vetëm pesë ajetet e para që përbëhen prej 19 fjalësh dhe këto fjalë kanë 76 shkronja : 76 = 19 x 4.
- Në herën e dytë Xhebraili shpalli ajetet e para të sures “Al-Kalem” që përmbajnë 38 fjalë : 38 = 19 x 2.
- Herën e tretë Xhebraili shpalli 10 ajetet e para “Al-Muz-zem-mil” që përmbajnë 57 fjalë : 57 = 19 x 3.
- Në herën e katërt Xhebraili shpalli 30 ajetet e para të sures “Al-Mud-dath-thir” dhe ajeti I fundit është “Mbi të vigjëlon 19-ta”
-Herën e pestë Xhebraili shpalli shpalli suren e parë të plotë “Al-Fatiha”, e cila fillon me deklarimin e parë të Kur’anit “Bismilahirr-Rrahmanirr-Rrahim”, me 19 shkronja arabe. Kjo vulë gjendet në të gjitha suret, të tilla ka 114 = 19 x 6.
- Vetë ky verset përbëhet gramatikisht nga katër emra: Ism, Allah, Rrahman, Rrahim. Duke përdorur kompjuterin, është llogaritur se secila prej këtyre fjalëve është përdorur një numër herësh që është i plotëpjestueshëm me numrin 19; kështu:
- Fjala “Ism” është përdorur në Kur’an 19 herë.
- Fjala “ Allah” përmendet 2698 herë dhe 2698 = 19 x 142.
- Fjala “ Rrahman” përmendet 57 herë dhe 57 = 19 x 3.
-Fjala “Rrahim” përmendet 114 herë dhe 114 = 19 x 6.
Deri këtu do të ishte e mjaftueshme për shumë persona, madhështia e arritjes së përdorimit të një numri pa pjestues dhe të shumëfishave të tij, gjatë shtjellimit të ideve në një libër jo matematik. Por, le ta shohim më poshtë, ky ishte vetëm fillimi.
Kur’ani është i vetëm libër në botë që ka në krye të disa sureve disa “iniciale” ose “ shkronja të shifruara”, të cilat quhen arabisht Mukatta-at ( shkurtesa). Këto duket sikur nuk kanë kuptim. Nga 28 shkronjat e alfabetit arab, gjysma e tyre 14, gjenden në këto iniciale. Me to janë formuar vetëm disa nga kombinimet e mundëshme dhe pikërisht 14 të tillë: 3 njëshe ( Kaf. Nun, Sad), 4 dyshe ( Ta Ha; Ja Sin; Ta Sin; Ha Mim), 4 treshe (Elif Lam Mim; Elif Lam Ra; Ta Sin Mim; Ajn Sin Kaf), 2 katërshe ( Elif Lam Mim Ra; Elif Lam Mim Sad) dhe 1 pesëshe ( Kaf Ha Ja Ajn Sad).
Inicialet e treguara janë përdorur në krye te 29 sureve, atëherë, duke mbledhur 14 germat + 14 inicialet + 29 suret = 57 dhe 57 = 19 x 3.
Duke përdorur kompjuterin, është konstatuar se çdonjëri inicial përmbahet një numër herësh që është I plotëpjestueshëm me 19. Le t’i shohim me redhë:
- Inicialia Kaf. Gjendet në krye te sureve 42 dhe 50. Në suren 42 ajo gjendet 57 herë dhe 57 = 19 x 3. Edhe në suren 50 ajo shfaqet 57 herë, dhe 57 = 19 x 3.
- Inicialia Nun. Gjendet në krye të sures 68 dhe shfaqet aty 133 herë dhe 133 = 19 x 7.
- Inicialia Sad. Me të fillojnë suret 7, 19 dhe 38 dhe shfaqet në to 152 herë dhe 152 = 19 x 8.
- Inicialia e dyfishtë Ta Ha. Me to fillon sureja 20. Shkronja Ha përdoret 314 herë, ndërsa shkronja Ta përdoret 28 herë. Vërehet se këto dy shkronja përdoren pra, 314 + 28 = 342 herë dhe 342 = 19 x 18.
- Inicialia e dyfishtë Ja Sin. Me to fillon sureja 36. Shkronja Ja përdoret 237 herë, ndërsa shkronja Sin përdoret 48 herë, pra të dyja shfaqen 237 + 48 = 285 herë dhe 285 = 19 x 15.
- Inicialia e dyfishtë Ha Mim. Me to fillojnë suret 40, 41, 42, 43, 44, 45, 46. Shkronja Ha përdoret 304 herë, kurse shkronja Mim 1862 herë. Shuma 304 + 1862 = 2116 dhe 2116 = 19 x 114.
- Inicialia e dyfishtë Ta Sin. Në suret që i përmban cilindo nga këta shkronja si iniciale (suret 20, 26, 27, 28 36, 42) këto shkronja shfaqen 494 herë dhe 494 = 19 x 26.
- Inicialia e trefishtë Ta Sin Mim. Në suret ku përdoren këto shkronja si iniciale, ato shfaqen 1444 herë dhe 1444 = 19 x 76.
- Inicialia e trefishtë Elif Lam Mim. Këto shkronja, në suret 2, 3, 7, 13, 29, 30, 31, 32 përdoren 26676 herë dhe 26676 = 19 x 1404.
- Inicialia e trefishtë Elif Lam Ra. Këto shkronja, në suret 10, 11, 13, 14, 15 përdoren si iniciale dhe shfaqen ndër to 9709 herë dhe 9709 = 19 x 511.
- Inicialia e trefishtë Ajn Sin Kaf. Këto shkronja në suret e përdorura si iniciale ( 26, 27, 28, 36, 42, 50 ) shfaqen 722 herë dhe 722 = 19 x 38.
- Inicialia e katërfishtë Elif Lam Mim Sad. Këto shkronja në suret e përdorura si iniciale shfaqen 38114 herë dhe 38114 = 19 x 2006.
- Inicialia e katerfishtë Elif Lam Mim Ra. Me te fillon sureja 13 dhe aty shkronjat përbërëse shfaqen 1501 herë dhe 1501 = 19 x 79.
- Inicialia e pesëfishtë Kaf Ha Ja Ajn Sad. Me te fillon sureja 19 dhe aty shkronjat përbërëse shfaqen 798 dhe 798 = 19 x 42.
Me anën e kompjuterit është treguar se shumëfish të numrit 19 janë edhe tregues të tjerë brenda ketyre inicialeve të marra më sipër. Më pas është llogaritur se:
shkronja Elif përdoret 17499 herë dhe 17499 = 19 x 921;
shkronja Lam përdoret 11780 herë dhe 11780 = 19 x 620;
shkronja Mim përdoret 8683 herë dhe 8683 = 19 x 457; etj.
Gjithashtu, me anën e kompjuterit është konstatuar se numrat ( p.sh. kemi krijuar 7 qiej,etj) përmenden 285 herë dhe 285 = 19 x 15. Bile, në qoftë se i mbledhim të 285 numrat sipas vlerës së tyre numerike merret shuma 174591 = 19 x 9189. Ka raste që i njëjti numër përsëritet disa herë. Nëqoftë se këta i marrim vetëm nga një herë, merret shuma 162146 dhe 162146 = 19 x 8534.
Dhe me këto të dhëna të marra me kompjuter, mund të vazhdohet akoma më gjatë.
Kush vallë mund të krijojë një mrekulli të tillë ?
Me anën e kompjuterit u muarr edhe përgjigja e pyetjes : Cfarë mundësishë ka të shkruhet një libër i tillë, që përmban sistemin matematikor me bazë 19, me lidhjet dhe kombinimet konkrete dhe që kjo të jetë rastësisht. Përgjigja qe:
Mundësia që kjo të ndodhë rastësisht është 1 me 626 septilion dhe 1 septilion = 10000... 0 ka 42 zero. Bile, kjo mundësi që konsiderohet nga çdo shkencë e pamundur, vjen gjithënjë duke u zvogëluar sepse gjithnjë e më shume zbulohen argumente të reja me po këtë bazë. E kush përveç Allahut, mund të jetë autor i këtyre mrekullive ?
“Thuaj: “Edhe sikur të bashkoheshin njerëzit me xhinët për të sjellë një Kur’an të tillë, ata nuk do të mund të bënin një si ky, sado që do ta ndihmonin njëri tjetrin”
( 17 : 8).
Pastaj, a mendojmë se po të kishte humbur gjatë 14 shekujve një sure do të kishim 113 të tilla, shifër kjo që nuk plotëpjestohet me 19. Jo një sure, po edhe sikur një inicial të hiqej, të shtohej apo të ndryshohej, do të prishej pjestueshmëria me 19. Pra, do të shkatërrohej sistemi matematikor i përdorur. Por, edhe kjo ka përgjigjen e vet:
“Ne me Madhërinë tonë e shpallëm Kur’anin dhe Ne gjithsesi jemi mbrojtës të Tij”
(15: 9).
