Soualiho Meité është praktikisht lojtari më i ri i Milanit. Ish-mesfushori i Torinos ka kryer mëngjesin e sotëm vizitat mjekësore para se të firmosë kontratën e tij të re, e cila do ta mbajë të lidhur me kuqezinjtë të paktën deri në fund të këtij sezoni. Nëse do të bindë drejtuesit, ai do të vijojë të jetë pjesë e klubit, i cili do të ketë të drejtën e blerjes për rreth 8 milionë euro.Meité ka luajtur 94 ndeshje me skuadrën e Torinos dhe ka realizuar 3 gola në dy vite e gjysmë. Ai mund të jetë gati që për ndeshjen e së hënës ndaj Cagliarit.
Ndërkohë, drejtuesit kuqezinj po punojnë edhe për afrimin e një mbrojtësi dhe një zëvendësuesi të Ibrahimovic në sulm.
Emrat më të mundshëm janë Tomori nga Chelsea, si dhe Mandzukic, për fazën e sulmit.
A2news.com