Mesha e Pashkëve, Papa Françesku: Mos injoroni vuajtjet e emigrantëve
Në ditën më të rëndësishme të kalendarit të krishterë, Papa Françesku u kërkoi katolikëve të botës të mos injorojnë vuajtjet e emigrantëve, të të vobektëve e personave që janë më të cënueshëm se të tjerët.
Nga bazilika e Shën Pjetrit, ku mbajti në mesnatë meshën e Pashkës, Ati i Shenjë ritregoi rrëfenjën biblike të nënës së Jezuit, Shën Mërisë dhe Maria Magdalenës, e kujtoi dhimbjen e thellë të tyre ndërsa vizitonin varrin pas kryqëzimit.
Brenga e tyre, - tha Bergoglio gjatë ceremonisë solemne, - mund të shihet sot në fytyrat e shumë grave nëpër botë.
“Nëse përpiqemi ta imagjinojmë atë skenë do të shohim shumë fytyra të tjera në fytyrat e atyre grave; do të shohim fytyrën e nënave dhe gjysheve, do të shohim dhe ato të fëmijëve e të rinjve që mbajnë mbi shpatullat e tyre barrën e rëndë të padrejtësisë dhe brutalitetit. Do të shohim të reflektuar ata që ecin rrugëve të qyteteve tona, e ndiejnë dhimbjen e varfërisë së skajshme, pikëllimin që sjell shfrytëzimi dhe trafikimi njerëzor”, tha Papa Françesku.
Periudhën përpara Pashkëve, Françesku e përdori për të parashtruar vizionin e tij të shërbimit ndaj nevojtarëve. “Të premten e zezë”, ai u ankua se njerëzve tashmë po iu kthehen në zakonshmëri skenat e përditshme të qyteteve të bombarduara e emigrantëve të mbytur.
Gjatë shërbesës së të shtunës, kreu i Kishës Katolike pagëzoi 11 persona, shumica të rritur të konvertuar në Katolicizëm, një nga të cilët shqiptar.
Pikën kulmore të festimeve të Pashkës, e përbën mesha tradicionale e kësaj feste që mbahet në sheshin e Shën Pjetrit, të mbushur zakonisht në këtë ditë nga dhjetëra mijëra besimtare. Papa përcjell me këtë rast mesazhin e Pashkëve dhe bekimin “Urbi et orbi”, drejtuar qytetit dhe botës.
/ Top Channel
Në ditën më të rëndësishme të kalendarit të krishterë, Papa Françesku u kërkoi katolikëve të botës të mos injorojnë vuajtjet e emigrantëve, të të vobektëve e personave që janë më të cënueshëm se të tjerët.
Nga bazilika e Shën Pjetrit, ku mbajti në mesnatë meshën e Pashkës, Ati i Shenjë ritregoi rrëfenjën biblike të nënës së Jezuit, Shën Mërisë dhe Maria Magdalenës, e kujtoi dhimbjen e thellë të tyre ndërsa vizitonin varrin pas kryqëzimit.
Brenga e tyre, - tha Bergoglio gjatë ceremonisë solemne, - mund të shihet sot në fytyrat e shumë grave nëpër botë.
“Nëse përpiqemi ta imagjinojmë atë skenë do të shohim shumë fytyra të tjera në fytyrat e atyre grave; do të shohim fytyrën e nënave dhe gjysheve, do të shohim dhe ato të fëmijëve e të rinjve që mbajnë mbi shpatullat e tyre barrën e rëndë të padrejtësisë dhe brutalitetit. Do të shohim të reflektuar ata që ecin rrugëve të qyteteve tona, e ndiejnë dhimbjen e varfërisë së skajshme, pikëllimin që sjell shfrytëzimi dhe trafikimi njerëzor”, tha Papa Françesku.
Periudhën përpara Pashkëve, Françesku e përdori për të parashtruar vizionin e tij të shërbimit ndaj nevojtarëve. “Të premten e zezë”, ai u ankua se njerëzve tashmë po iu kthehen në zakonshmëri skenat e përditshme të qyteteve të bombarduara e emigrantëve të mbytur.
Gjatë shërbesës së të shtunës, kreu i Kishës Katolike pagëzoi 11 persona, shumica të rritur të konvertuar në Katolicizëm, një nga të cilët shqiptar.
Pikën kulmore të festimeve të Pashkës, e përbën mesha tradicionale e kësaj feste që mbahet në sheshin e Shën Pjetrit, të mbushur zakonisht në këtë ditë nga dhjetëra mijëra besimtare. Papa përcjell me këtë rast mesazhin e Pashkëve dhe bekimin “Urbi et orbi”, drejtuar qytetit dhe botës.
/ Top Channel