Me sa duket të martohesh në moshën 72-vjeçare nuk qenka e lehtë dhe veçanërisht kur kërkon një nuse gjirokastrite. Por Spiro Kamberi nga Memaliaj ka vendosur ta sfidojë fatin dhe të shprehë hapur kërkesën e tij, duke ofruar madje edhe një shpërblim të mirë për atë që ja plotëson këtë kërkesë. Ai jep 4 milionë lekë, për kedo që i mundëson një nuse gjirokastrite.
Jugunews.net ka marrë përsipër sensibilizimin për këtë rast unikal me shpresën që ai të gjejë ngrohtësinë e tij “sentimentale”, në vitet e fundit të jetës. I vetmi kusht që ka i moshuari, për atë që do të lidhë “fatin” me të, është që bashkëshortja e ardhshme, të jetë gjirokastrite.
Në “CV” e tij, Spiro Kamberi, krenohet me arsimimin e tij 11*-vjeçar, ndërsa të ardhurat, i siguron nga pensionet që merr nga Greqia dhe Shqipëria. Për 4 milionë lek, e kush nuk do të donte ta bënte me nuse Spiron?
Opinion.al
