Arfenilla
Themelues i Forumit
Presidenti turk, Rexhep Tajjip Erdogan, ka martuar sot të bijën, Symejje Erdoganin (Sümeyye Erdoğan), me Selçuk Bajraktarin.
Një ceremoni martesore madhështore është zhvilluar në Qendrën Vizuale Jahja Kemal Bejatllë, në prani të 6.500 të ftuarve.
Ceremonia martesore, e bërjes së nikahut, ka nisur me këndim Kur’ani, me ajetin 21 të sures er-Rum “Dhe prej shenjave të Tij është që prej jush krijoi për ju bashkëshortet tuaja, të preheni në to, duke shtënë mes jush dashuri dhe mëshirë. Këtu ka dëshmi për njerëzit që mendojnë!”
Në podium do të ngjiteshin krahas çiftit e familjarëve, presidentit turk, dhe kryeministri Ahmet Davutogllu, ish-presidenti Abdullah Gyl, kryetari i parlamentit turk, Ismail Kahraman, shefi i Shtabit të Përgjithshëm të ushtrisë turke, Hulusi Akar, kryetari i Bashkisë së Stambollit, Kadir Topbash.
Mes fare pak të nderuarve në pozitën e dëshmitarit është gjendur dhe kryeministri i Shqipërisë, Edi Rama. Në krah të tij do të qëndronin Saad Hariri, ish-kryeministri i Libanit dhe i biri i Refik Haririt, Navaz Sherif, kryeministri i Pakistanit, dhe Bekir Izetbegoviç, i biri i Alija Izetbegoviçit dhe kryesuesi i tanishëm i presidencës boshnjake.
Symejje Erdogan ka qenë e është pika e dobët e Rexhep Tajjip Erdoganit, bashkëshoqëruesja e tij në një pjesë të mirë të aktivitetit politik, e shpeshherë në krah të të atit në mitingjet e vizitat anekënd Turqisë e jashtë vendit.
“Sorkadhja ime, i thoja, drita e syve të mi, i thoja. Sot si një sorkadhe po largohet nga shtëpia.” Janë këto fjalët emocionuese, të thëna me zë të dridhur nga Erdogani.
Abdullah Gyl dhe Ahmet Davutogllu kanë qenë dëshmitarë të parë në ceremoninë e lidhjes martesore B ikabul.al
kidoki: