Violetta
>> KS- AL. etnike <<
Në Mal të Zi - mbledhin 15 mijë nënshkrime kundër njohjes së Kosovës
Partia SNS (Srbski nacionalni savjet) ka mbledhur më shumë se 15 mijë nënshkrime për iniciativën rreth tërheqjes së njohjes së Malit të Zi për pavarësinë e Kosovës.
“Për SNS është kënaqësi mbështetja e shumicës së partive parlamentar dhe organizatave jo-qeveritare për iniciativën e saj për heqjen e njohjes së shtetit të ashtuquajtur “Kosovë”, i cili u promovua disa muaj më parë”, thanë nga SNS.
Sipas tyre, më shumë se 15 mijë përkrahje të nënshkruara janë mbledhur nga aktivitetet e mbledhjes. Ata thonë se nevojiten nënshkrime të 10 përqind të numrit të përgjithshëm të votuesve që këtë çështje ta bëjnë për referendum, ashtu siç e përcakton Kushtetuta. Ata sugjerojnë që organizatorët kanë për qëllim që të sigurojnë dhe një kusht tjetër për mbajtjen e referendumit shtetëror, përkatësisht të marrin përkrahjen e së paku 25 deputetëve të përbërjes aktive të Kuvendit.
SNS, siç u tha, iu drejtua presidentit të shtetit Milu Dukanoviç për të mbështetur mbajtjen e referendumit të shtetit për anulimin e vendimit të Qeverisë së Malit të Zi për njohjen e Kosovës. Ata konsiderojnë se mbështetja e Dukanoviqit ishte një kusht i paraparë për Kushtetutën për mbajtjen e referendumit shtetëror, por që nga ai ende nuk u gjetën përgjigje.
“SNS do të vazhdojë të kërkojë mbështetjen e këtyre subjekteve politike dhe përfaqësuesit e opozitës për të cilat pret që të kenë edhe kundërshtimin dhe moralin e obliguar që të verifikojë vullnetin e qytetarëve të Malit të Zi për pranimin e Malit të Zi në Kosovë”, thuhet në njoftim.
Sipas tij, pas kësaj, publiku do të jetë i njohur që partitë politike dhe deputetët nuk duan të marrin pjesë në këtë “procedurë demokratike të vetme që kontrollon legjitimitetin e kundërshtimeve të vendimeve të Qeverisë së Malit të Zi”.
Ndryshe, Serbia dhe partitë serbe nëpër shtete të rajonit, kanë nisur që moti propagandën për tërheqje të njohjes së pavarësisë së Kosovës. Madje Serbia kishte gënjyer disa herë për disa shtete të Afrikës së gjoja kanë tërhequr njohjen.
/gmetro.net
