Historia e një macje që shfaqet çdo ditë në të njëjtin vend në Moskë po përhapet me shpejtësi në internet.
Një person e fotografia macen dhe më pas foton e hodhi në VKontatke, një rrjet social rus. Ai kërkoi ndihmë prej përdoruesve të rrjetit social për të mësuar më shumë mbi historinë e saj.
Njëri prej përdoruesve, banor i zonës ku qëndron macja, rrëfeu një histori sa të jashtëzakonshme, aq edhe të pabesueshme.
Sipas tij, macja është harruar nga të zotët e saj një vit më parë. Ata ndërruan apartament dhe në momentin që u larguan me makinë, felini i ndoqi me shpejtësi për disa metra, por nuk mundi t’i arrijë.
Ajo u kthye mbrapsht dhe qëndroi për orë me radhë në vendin ku shihet çdo ditë prej një viti tashmë. Macja largohet kur bie nata dhe rikthehet sërish në “vendrojen” e vet.
Disa komentues e interpretojnë këtë si besnikëri të kafshës ndaj njëriut duke thënë se ajo pret që një ditë të zotët e saj të kthehen, por ka nga ata që janë mosbesues karshi këtij varianti duke thënë se macja qëndron aty thjesht sepse banorët vendas e ushqejnë çdo ditë.
Top channel