Pajtohem me këto që thua, por dua të të pyes se ç'mendon në lidhje me moshën. A duhet të jenë në të njëjtën moshë, apo sa mund të jetë diferenca sipas teje? Pra sa më i madh mund të jetë ai?
Historia ka sjellë shembuj që ka pasur edhe martesa të suksesshme me diferencë të madhe moshe.
Para shumë vitesh kam lexuar një libër në Shqipëri, të titulluar "Unë, Ana Dostojevskaja". Ishte një libër autobiografik, i shkruar nga gruaja e dytë e shkrimtarit të njohur Dostojevski.
Gruaja e parë shkrimtarit i vdiq. Por pas 3 vitesh, ai u njoh me Anën. Kur u martua me Anën, ajo ishte 20 vjeçe, kurse ai 46. Patën 3 fëmijë dhe jetuan bashkë 14 vjet, deri sa ai vdiq. Pas vdekjes së tij, ajo nuk u martua më.
Më kujtohet dhe kur ajo tregonte si qe njohur me Dostojevskin. Ai kërkonte një sekretare, që ta ndihmonte për ato që shkruante. Shkrimtari fliste duke ecur nëpër dhomë, kurse ajo shkruante ato që ai thoshte.
Dostojevskin ajo e njihte që para se të punonte për të, se kishte lexuar libra të tij. Sipas saj, megjithëse e adhuronte si shkrimtar, ajo nuk e pëlqeu atë kur e takoi nga afër. Në fillim i dukej i vrazhdë dhe nevrik, por dalëngadalë ra në dashuri me të. Duhet përmendur këtu që Dostojevski ishte i varfër dhe i mbytur në borxhe, por ishte dhe i sëmurë me sëmundje toke (epilepsi), kurse Ana ishte e re, e bukur dhe vinte nga një familje e pasur.
Tani, a e ka dashur vërtet, apo ka dashur vetëm famën e tij, këtu mund të ketë dyshime, por nga ato që ajo shkruante, dukej se e donte. Se edhe provat, 3 fëmijë, e 14 vjet bashkë deri sa ai vdiq, tregojnë se e ka dashur.
Ku ke qene? 
