VIDEO/ Liverpool poshtërohet nga Aston Villa, gafat dhe 7 golat e pësuar i japin “sulm në zemër” Klopp-it
E pabesueshme, por e vërtetë. Aston Villa bën atë që pak kush mund ta kishte imagjinuar, teksa poshtëron Liverpool-in me shifrat e thella 7-2. Turpi shtohet edhe më tepër për “the reds”, pasi një ekip që vjet shpëtoi vetëm javën e fundit nga rënia në një kategori më poshtë sot e kthen në një seancë stërvitore me kampionët në fuqi të Premier League.Një dorë në 2 prej golave ka ardhur edhe nga vetë ekipi i Klopp-it. Një gafë nga portieri Adrian që pason gabim në zonë dhe një tjetër nga Gomes që bën po të njëjtin gjë i falën 2 gola Aston Villa-s. Megjithatë skuadra nga Birminghemi ka treguar dominim të plotë gjatë ndeshjes dhe me 7 rrjetat e tundura i ka dhënë një “sulm” në zemër Jurgen Klopp-it, që nuk e ka provuar një shije të këtij lloj turpi më parë./-Sport Ekspres/
