Në vend të lëndëve individuale, nxënësit filandeze duket se do të studiojnë ngjarje dhe fenomene në një format ndërdisiplinor.
Dhe duke i marrë këto mësime, nxënësit do të jenë në gjendje të marrin më shumë njohuri në gjuhën angleze, fushën e ekonomisë dhe t’i përmirësojnë aftësitë e komunikimit. Ky sistem do të prezantohet për nxënësit e moshave 16 vjeçare.
Ideja është që nxënësit të zgjedhin për vete cilën temë ose fenomen dëshirojnë ta studiojnë, për t’i zbuluar aftësitë e tyre dhe ambiciet për të ardhmen.
“Teaching by subject” ose “teaching by topic” - të mësosh sipas lëndës apo sipas argumenteve?” Kjo ishte dilema në Finlandë, e cila vendosi për opsionin e dytë.
Në këtë mënyrë Finlanda do të bëhet vendi i parë në botë që do të heqë nga kurrikulat shkollore disa lëndë. Sistemi finlandez i edukimit është konsideruar si një nga më të mirët në botë nga vlerësimet ndërkombëtare, megjithatë autoritetet arsimore kanë vendosur të revolucionalizojnë shkollat.
Finlandezët nuk duan më të kenë lëndë të fizikës, matematikës, kimisë, letërsisë, historisë, apo gjeografisë.
Kreu i Departamentit të Arsimit në Helsinki, Marjo Kyllonen ka shpjeguar ndryshimet.
“Ka shumë shkolla që vijojnë mësimdhënien sipas metodës së vjetër, e cila sillte shumë efikasitet në vitet 1990, por tani nevojat kanë ndryshuar, na duhet diçka e arsyeshme për shekullin e 21”, është shprehur ai.
Në vend të subjekteve individuale nxënësit do të mësojnë ngjarjet dhe fenomenet më të rëndësishme në një format ndërdisiplinor. Për shembull Lufta e Dytë Botërore do të shqyrtohet nga perspektiva e historisë, gjeografisë dhe matematikës. Duke ndjekur një lëndë nxënësit do të kenë mundësi të marrin dije në disa fusha.
Tashmë rreth 70% e mësuesve në Helsinki kanë kryer trajnimin për sistemin e ri që ka sjellë edhe rritje page për ta, ndërsa ndryshimet e plota pritet të përfundojnë deri në vitin 2020.
Ky sistem do të aplikohet për nxënësit që janë 16-vjeç e lart. Ideja e përgjithshme është që nxënësit të zgjedhin për vete ato dije apo dukuri që duan të studiojnë bazuar te ambiciet dhe aftësitë që kanë. /SYRI.net/