-
- Anëtarësuar më
- Apr 1, 2011
-
- Mesazhe
- 115,970
-
- Reagimet e mara
- 85,001
Kujdes! Çfarë mund t'i ndodhë trupit tuaj nëse uleni shpesh me këmbë mbi këmbë
Të gjithë ne kemi mënyrën tonë se si qëndrojmë ulur që të jemi sa më rehat. Por vetëm se ne ndihemi rehat, nuk do të thotë se është mënyra më e duhur për ne.
Në fakt, një nga qëndrimet më popullore të të qëndruarit ulur është ajo këmbë mbi këmbë. Por duket se kjo mënyrë e të ulurit ka efekte negative te ne, e duhet seriozisht ta mendojmë e mos të qëndrojmë më ashtu.
Është shumë e rëndësishme që të qëndrojmë gjatë gjithë kohës drejt. Një gjë e tillë nuk është vetëm mirë për trupin, por rrit gjithashtu edhe vetëbesimin tuaj.
“Bright Side” ka publikuar pesë arsyet se pse nuk duhet që të qëndrojmë më ulur me këmbë të kryqëzuara. Shikoni fotot e mëposhtme:
Mund të provokojë paralizë nervore
Nëse qëndroni ulur për një kohë të gjatë me këmbët e kryqëzuara, mund të shkaktojë atë që quhet paralizë nervore. Si pasojë, ju nuk mund të ngrini këmbën tuaj, mund të shkaktojë mpirje në muskuj e madje mund të dëmtojë edhe nervin tuaj peroneal.
Mund të shkaktojë presion të lartë të gjakut
Sipas këtij studimi, kryqëzimi i këmbëve në nivelin e gjurit rrit ndjeshëm presionin tuaj të gjakut. Është konfirmuar gjithashtu se nuk kishte asnjë rritje të presionit të gjakut kur kryqëzoheshin këmbët në kyçet e këmbëve. Sidoqoftë, këshillohet të shmangni kryqëzimin e këmbëve nëse jeni person me presion të lartë të gjakut.
Mund të të çojë në qëndrim jo të drejtë
Sipas këtij studimi, ulja këmbë mbi këmbë për më shumë se 3 orë në ditë mund të shkaktojë anime anësore të shpatullave dhe legenit. Gjithashtu mund të drejtojë kokën më përpara. Mund të çojë gjithashtu në një keqvendosje të shtyllës kurrizore, dhe sjellja e papërshtatshme çon në dhimbje dhe ngurtësi në muskuj.
Mund të shkaktojë dhimbje në nyje
Kryqëzimi i këmbëve nuk është vetëm i keq për qëndrimin tuaj, por gjithashtu mund të shkaktojë dhimbje në nyje. Mund të dëmtojë qafën, legenin, pjesën e poshtme të shpinës dhe gjunjët. Dhe veçanërisht duhet të shmangni kryqëzimin e këmbëve nëse tashmë keni dhimbje në gju.
Mund të shkaktojë ënjtje të kyçit të këmbës gjatë shtatzënisë
Shmangni kryqëzimin e këmbëve gjatë shtatzënisë - është plotësisht e sigurt për foshnjën, por mund të shkaktojë ënjtje të kyçit të këmbës dhe ngërçeve të këmbëve. Nëse përjetoni ndonjë nga këto efekte, provoni të uleni me të dy këmbët në dysheme ose t'i ngrini ato.
g.shqip
