Arfenilla
Themelues i Forumit
Denoncimi është bërë nga familjarët e nxënëses së dhunuar seksualisht me inicialet A.K.. Mësuesi, banorë i fshatit Zharnec është vënë në pranga nga policia dhe çështja e tij do t’i kalojë Prokurorisë së Lushnjës për hetime të mëtejshme.
“U bë ndalimi i shtetasit Demir Hoxha, i datëlindjes 28.03.1953, lindur ne Gramsh dhe banues në fshatin Zharnec, Divjakë, me profesion mësues. Ndalimi i këtij shtetasi u bë për arsye se ka kryer marrëdhënie seksuale me dhunë në mënyrë të përsëritur me shtetasen e mitur A.K., duke shfrytëzuar detyrën si mësues kujdestar i saj në shkollën 9-vjeçare, ngjarje kjo e ndodhur në ambientet e kësaj shkolle”, thuhet në njoftimin e policisë.
Ballafaqimi me kamera të fshehtë
Në ambientet e policisë në Komisariatin e Lushnjës ka pasur një ballafaqim mes mësuesit të arrestuar dhe nxënëses së abuzuar. Demir Hoxha ka pyetur 12-vjeçaren se përse u ka treguar prindërve duke thënë se në rast se do të kishte mbetur shtatzënë do ta dërgonte në spital për të abortuar. “Pse u tregove prindërve? Nëse do të kishte mbetur shtatzënë do të dërgoja në spital të abortoje”, i është drejtuar 62-vjeçari nxënëses së mitur.
Historia
Ngjarja është zbuluar nga nëna e 12-vjeçares pasi e mitura e ka pyetur nënën e saj sesi mund të ngelesh shtatzënë. Interesimi i 12-vjeçares për këtë gjë, ka bërë që nëna e saj të dyshojë dhe të kërkoj nga vajza t’i shprehë shqetësimet e saj. Pas insistimit të nënës, e mitura A.K., ka rrëfyer për abuzimin që mësuesi kujdestar kryente me të.
Pasi prindërit e saj kanë kryer denoncim në polici, 12-vjeçarja ka dëshmuar në prani të psikologut. Nga dëshmia e saj mësohet se mësuesi Demir Hoxha kishte abuzuar dy herë më të. Abuzimi i parë seksual ka qënë në muajin shkurt të këtij viti dhe rasti i dytë më 29 maj brenda ambienteve të shkollës 9-vjeçare.
Reagimi
Drejtori i shkollës 9-vjeçare në një reagim mbi ngjarjen e ndodhur shprehet se, për mësuesin e arrestuar nuk ka pasur denoncime më parë. Vasil Rrushi duke e cilësuar ngjarjen tronditëse, thotë se mësuesi në fjalë njihej si njeri i rregullt. “Në 43 vite nuk kemi dëgjuar të ndodhë diçka e tillë”, është shprehur Rrushi. Drejtori i shkollës ka treguar më tej se mësuesi Demir Hoxha jepte mësim në ciklin fillor, ndërsa familja e nxënëses së abuzuar ishte e ardhur nga fshatrat e Gramshit.B lajmi
Komenti im ishte ne rrjedhe te komentit te Afernilles per pjesen "kemi qen popull i paster" , por jo se e kisha si qellim te thoja qe ai thjesht nuk gjeti nje te moshes se tij dhe kapi dhe i morri gjysmen e jetes asaj vajzes se vogel . Ky fytyra sdiskutohet qe eshte i semur dhe meriton kurimin e duhur 'varjen ne litar'
